БАХШИДА БА РӮЗИ МОДАР. Байни духтарони идораву муассисаҳои давлатии шаҳри Хоруғ мусобиқаи волейбол оғоз ёфт
ХОРУҒ, 07.03.2022 /АМИТ «Ховар»/. Бахшида ба Рӯзи Модар дар Муассисаи давлатии Мактаби президентии шаҳри Хоруғ байни духтарони идораву муассисаҳои давлатӣ мусобиқа оид ба волейбол оғоз ёфт. Дар ин мусобиқа, ки чор рӯз идома меёбад, 12 дастаи духтарон иштирок мекунад, хабар медиҳад мухбири минтақавии АМИТ «Ховар» Файз Мирасан.
Директори Мактаби варзишии шаҳри Хоруғ Азиз Ҳайдармамадов зимни ифтитоҳи мусобиқа духтаронро бо Рӯзи Модар табрик намуда, изҳор дошт, ки «зиндагӣ аз модар сарчашма мегирад, зан манбаи меҳру муҳаббат ва раҳму шафқат аст. Беҳуда нагуфтаанд, ки «биҳишт зери қудуми модарон аст». Дар Тоҷикистон Зан-Модар манзалату мартаба ва мақоми баланд дорад. Зан дар ҳамаи соҳаҳои ҳаёти ҷумҳурӣ- чӣ соҳаи сиёсату иқтисод, чӣ фарҳангу варзиш фаъолона иштирок мекунад. Ин ҳама аз шарофати ғамхории пайвастаи Пешвои миллат дар ҳаққи занону модарон аст».
Дар рӯзи аввали бозӣ дастаҳои бонувони мақомоти иҷроияи ҳокимияти давлатии вилоят ва дастаи бонувони шаҳракаи Шоҳтемуриён рӯ ба рӯи ҳам қарор гирифтанд. Ин бозӣ аз аввал то ба охир хеле ҷолибу шавқовар гузашт ва ҳарду даста талош намуданд, ки бозиро ба фоидаи худ ба анҷом расонанд. Дастаи духтарони мақомоти иҷроияи ҳокимияти давлатии вилоят рақибони худро пай дар пай бо зарбаҳои маҳкам дар ҳолати ногувор гузошта, бозиро ба фоидаи худ ба итимом расонд.
Дастаи мазкур соли гузашта низ бо ба даст овардани имтиёзҳои бештар дар мақоми аввал ҷой гирифта буд. Ба назар мерасад, ки имсол низ ба ин мусобиқа омодагии ҷиддӣ дида, яке аз довталабони асосии Ҷоми Раиси шаҳр шуморида мешавад.
Ба гуфти директори Мактаби варзишии шаҳр, дар рӯзи ҷамъбасти мусобиқа ғолибон бо ифтихорнома ва мукофоти пулӣ сарфароз гардонида мешаванд.
АКС: АМИТ «Ховар»
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
