Дар Академияи идоракунии давлатӣ давраи омӯзишӣ барои занони роҳбар ҷамъбаст мешавад
ДУШАНБЕ, 05.03.2023 /АМИТ «Ховар»/. Шурӯъ аз 27 феврал дар Академияи идоракунии давлатии назди Президенти Ҷумҳурии Тоҷикистон аз рӯйи барномаи «Малакаи роҳбарӣ» барои занони роҳбар ва дар захираи кадрҳобудаи мақомоти марказии ҳокимияти давлатӣ давраи омӯзиши такмили ихтисос доир гардид, ки 4 март ҷамъбаст карда шуд. Дар ин хусус ба АМИТ «Ховар» дар Агентии хизмати давлатии назди Президенти Ҷумҳурии Тоҷикистон хабар доданд.
Дар давраи омӯзишии такмили ихтисос тибқи барнома вобаста ба ҷанбаҳои иқтисодии Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ», шарҳи Кодекси одоби хизматчии давлатӣ, нақши занон дар хизмати давлатӣ, фарҳанги суханварӣ дар фаъолияти касбии хизматчии давлатӣ, сарварӣ ва идоракунии равандҳои сиёсӣ дар ҷомеаи муосир, кафолату имтиёзҳо барои занон дар муносибатҳои меҳнатӣ, нақши занон дар ҳаёти иҷтимоӣ ва сиёсии ҷомеа, нақши занон дар рушди сиёсати гендерии ҷумҳурӣ, нақши хизматчиёни давлатӣ дар пешгирии ҷавонон ба ҳизбу ҳаракатҳои экстремистӣ машғулияти назариявии омӯзишӣ гузаронида шуд.
Инчунин бо шунавандагон ходимони сиёсиву ҷамъиятӣ, собиқадорони хизмати давлатӣ вохӯрӣ намуданд. Собиқадорони хизмати давлатӣ вобаста ба масъалаҳои дастгириҳои пайвастаи Ҳукумату давлат нисбат ба занон, нақши занон дар пешбурди ҷомеа, иштироки занон дар корҳои ҷамъиятию сиёсӣ ва таҷрибаи бойи худ суҳбати самимӣ намуданд.
Дар анҷоми давраи омӯзиши такмили ихтисос шунавандагони он соҳиби Гувоҳномаи хатми такмили ихтисос мегарданд.
АКС: Агентии хизмати давлатии назди Президенти Ҷумҳурии Тоҷикистон
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
