Дар Душанбе Форуми миллии ҷавонон ҷараён дорад
ДУШАНБЕ, 14.03.2023 /АМИТ «Ховар»/. 13 март дар шаҳри Душанбе Форуми миллии ҷавонон таҳти унвони «Ҷавонони комёб ва ташкилоти ҷомеаи шаҳрвандии устувор: Калиди рушди пойдор ва муваффақ» ба кор оғоз намуд, хабар медиҳад хабарнигори АМИТ «Ховар».
Форум дар доираи лоиҳаи «Ташкилоти ҷомеаи шаҳрвандии устувор ва шарикии бисёрҷониба баҳри ҷавонони фаъол ва комёби Тоҷикистон — ProYouth» баргузор мегардад.
Тавре муовини аввали Раиси Кумитаи ҷавонон ва варзиши назди Ҳукумати Ҷумҳурии Тоҷикистон Шабнам Раҳимзода гуфт, дар форум намояндагони ҷомеаи шаҳрвандӣ, ҷавонони фаъол аз ноҳияҳои мақсаднок, сохторҳои ҳукумати маҳаллӣ, донорҳо ва шарикони рушд ҷамъ омада, доир ба масъалаҳои мубрами рӯз дар робита ба иҷрои Барномаи давлатии Тоҷикистон оид ба ҷавонон ва татбиқи Стратегияи сиёсати ҷавонон ва ҳамкории бисёрҷониба ҷиҳати ҷалби ҷавонон ба ин раванд мубодилаи афкор мекунанд.
Ҳадафи асосии форум нишон додани натиҷаи лоиҳаи ProYouth буда, бо мақсади фароҳам овардани шароит барои устувории натиҷаҳои лоиҳа, муҳокимаи равиш ва методологияи амалӣ, таҷрибаи пешқадам, дарсҳои омӯхта, платформаи бисёрҷонибаи ҷалби ҷавонон, инчунин муаррифии механизмҳои таҳияшудаи татбиқи Стратегияи сиёсати ҷавонон гузаронида мешавад.
Дар ҳошияи форум ҳамчунин муаррифии лоиҳаҳои тиҷоратӣ ва иҷтимоии ҷавонон, ки дар доираи лоиҳаи ProYouth бо иштироки фаъолонаи созмонҳои ҷомеаи шаҳрвандӣ ва гурӯҳҳои тамос бо ҷавонон таҳия шудааст, амалӣ гардид.
Форуми миллии ҷавонон таҳти роҳбарии Ташкилоти байналмилалии австриягии Hilfswerk International дар ҳамкорӣ бо Кумитаи кор бо ҷавонон ва варзиш, Кумитаи кор бо занон ва оилаи назди Ҳукумати Ҷумҳурии Тоҷикистон, Иттиҳоди мушовирони касбии Тоҷикистон (ИМКТ) ва Ташкилоти ҷамъиятии «МИР – Маркази Имконият баҳри Рушд» ташкил шуда, аз ҷониби Иттиҳоди Аврупо ва Агентии Рушди Австрия маблағгузорӣ шудааст.
Ҳамоҳангии форумро кормандони ташкилоти ҷамъиятии “МИР”, ки дорои таҷрибаи ғанӣ дар рушди неруи фаъолони ҷомеаи шаҳрвандӣ ва ҷавонон дар манотиқи дурдаст ва осебпазири Тоҷикистонанд, бар уҳда доранд.
Кори форум имрӯз низ идома меёбад.
Лайло ТОИРӢ,
АМИТ «Ховар»
АКС: АМИТ «Ховар»
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
