Дар шаҳри Турсунзода барои бо оби полезӣ таъмин намудани замин зиёда аз 34 километр канал тоза карда шуд
ТУРСУНЗОДА, 13.03.2023 /АМИТ «Ховар»/. Дар шаҳри Турсунзода 22 канали худҷорӣ мавҷуд аст, ки ба ин восита 13 ҳазору 459 гектар замини шаҳр пурра обёрӣ карда мешавад. Дар ин хусус сардори идораи давлатии беҳдошти замин ва обёрии шаҳри Турсунзода Сорбон Рӯзиев ба хабарнигори минтақавии АМИТ «Ховар» иттилоъ дод.
Дар асоси нақшаи тоза намудани каналҳо ва омодакунии онҳо барои таъмин бо оби полезӣ дар соли 2023 то имрӯз ба дарозии зиёда аз 34 километр каналҳои мазкур тоза карда шуд. Ҳамчунин дар шаҳр 5 адад пойгоҳи обкашӣ мавҷуд аст, ки барои бо оби полезӣ таъминкунӣ омода мебошад.
Бо дастгирии Агентии беҳдошти замин ва обёрии назди Ҳукумати Ҷумҳурии Тоҷикистон соли 2023 дар Ҷамоати деҳоти 10-солагии Истиқлолияти шаҳр 2 дастгоҳи обкашӣ насб карда шуда, ба ин восита 40 гектар замини аз гардиши кишоварзӣ берунмонда обёрӣ карда мешавад.
Идораи давлатии беҳдошти замин ва обёрии шаҳри Турсунзода ба 1948 хоҷагии деҳқонӣ хизмат расонида, дар рушди соҳаи кишоварзии шаҳр саҳми арзанда мегузорад. Баробари пурра таъмин шудан бо оби полезӣ кишоварзони шаҳри Турсунзода ҳосили баланд рӯёнида, ҷумҳуриро бо маҳсулоти тару тоза таъмин менамоянд.
Вале мушкилии асосии Идораи давлатии беҳдошти замин ва обёрии шаҳри Турсунзода- ин сари вақт напардохтани ҳаққи хизматрасонӣ мебошад.
Тибқи маълумоти роҳбарияти ин идора, то имрӯз муштариён аз истифодаи оби полезӣ зиёда аз ду миллион сомонӣ қарздоранд.
АКС: Мақомоти иҷроияи ҳокимияти давлатии шаҳри Турсунзода
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
