Дар Тоҷикобод доир ба пешгирии терроризм бо ҷавонону фаъолон вохӯрӣ баргузор карда шуд

Март 25, 2023 15:33

ТОҶИКОБОД, 25.03.2023. /АМИТ «Ховар»/. Дар Кохи фарҳанги ноҳияи Тоҷикобод бо мақсади иҷрои фармони Президенти Ҷумҳурии Тоҷикистон аз якуми июни соли 2021 вобаста ба Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 ва амалисозии нақшаи  он вохӯрии роҳбарияти ноҳия ва роҳбарони мақомоти ҳифзи ҳуқуқ  бо аҳолӣ ва ҷавонону фаъолон доир гардид. Дар ин хусус мухбири минтақавии АМИТ «Ховар» Субҳониддини Маҳмуд иттилоъ додааст. 

Дар ҷамъомад гуфта шуд, ки мақсади асосии Стратегияи муқовимат ба экстремизм ва терроризм- муайян намудани вазифаҳо ва самтҳои асосии сиёсати давлатии Ҷумҳурии Тоҷикистон дар соҳаи муқовимат ба экстремизм ва терроризм буда, ба муттаҳид намудани тадбирҳои мақомоти давлатӣ, мақомоти худидоракунии шаҳрак ва деҳот, ниҳодҳои ҷомеаи шаҳрвандӣ ва созмонҳои байналмилалӣ дар ин самт равона шудааст.

Зимни мулоқот таъкид карда шуд, ки “барои пойдории амнияти ҷумҳурӣ ва ободии ҷомеа ҷавононро зарур аст, ки дар қатори ҳама сокинони мамлакат дар атрофи Президенти Тоҷикистон муттаҳид гашта, барои шукуфоии сарзаминамон беш аз ҳар вақти дигар саъю талош варзанд. Ягона чизе, ки мову мамлакати моро аз хатари экстремизму терроризм наҷот медиҳад, ин ваҳдату якдилист. Мо дар ҳамбастагӣ неруи бузургу муқтадире ҳастем, ки ҳеҷ қувваи ғаразноке наметавонад ваҳдати моро халалдор намояд”.

Вобаста ба иҷрои муқаррароти Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025  масъулини Мақомоти иҷроияи ҳокимияти давлатии ноҳия бо сокинони панҷ ҷамоати деҳоти ноҳия вохӯрӣ намуда, вобаста ба муқовимат ба ин вабои аср бо сокинон суҳбат  намуданд.

АКС: Мақомоти иҷроияи ҳокимияти давлатии ноҳияи Тоҷикобод

Март 25, 2023 15:33

Хабарҳои дигари ин бахш

Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст