«ЭҲЁИ АРЗИШҲОИ МИЛЛӢ ДАР ДАВРОНИ СОҲИБИСТИҚЛОЛӢ». Таҳти ин унвон дар ноҳияи Данғара конференсияи ҷумҳуриявӣ баргузор шуд
ДУШАНБЕ, 16.03.2023 /АМИТ «Ховар»/. Дар асоси нақшаи чорабиниҳои Ҳаракати ваҳдати миллӣ ва эҳёи Тоҷикистон ва ҷиҳати татбиқи сиёсати давлатӣ дар самти ҳифз ва эҳёи арзишҳои миллӣ дар ноҳияи Данғара Конференсияи ҷумҳуриявӣ зери унвони «Эҳёи арзишҳои миллӣ дар даврони соҳибистиқлолӣ» доир шуд.
Дар Конференсия роҳбарияти Кумитаи иҷроияи Ҳаракати ваҳдати миллӣ ва эҳёи Тоҷикистон, роҳбарони сохторҳои давлатӣ, ҷавонону занони фаъол ва сокинони ноҳия иштирок намуданд.
Зимни конференсия дар бораи нақш ва мақоми ҷашни Наврӯз ва таъсири он ба худшиносиву ҳувиятгароии миллӣ таъкид карда шуд, ки ҷашни Наврӯз аз адолату хирад ва некӣ сарчашма гирифта, он рамзи саодат, ҳувият ва худшиносиву худогоҳии миллати тоҷик ба шумор меравад. Бо ёдоварӣ аз ҷаҳонӣ шудани Наврӯз он бузургтарин дастоварди фарҳангии замони соҳибистиқлолии Тоҷикистон арзёбӣ гардид.
Иштирокчиёни конференсия ҳамчунин дар мавзуҳои «Нақши Пешвои миллат дар эҳёи хотираи таърихӣ», таърихи ҷашни Меҳргон ҳамчун иди мардуми кишоварзу ҷашни ҷамъоварии ҳосил ва арзишҳои илмию паҳлӯҳои пажӯҳишии ҷашнҳои миллӣ, аз ҷумла иди Тиргон маърузаҳо карданд.
Дар кори конференсия иштирокчиёни фаъоли он бо сипоснома ва ифтихорномаҳои Ҳаракати ваҳдати миллӣ ва эҳёи Тоҷикистон сарфароз гардонда шуданд. Аз ҷониби Ҳаракати ваҳдати миллӣ ва эҳёи Тоҷикистон ба китобхонаи ноҳияи Данғара китобҳои «ВАҲДАТ, ДАВЛАТ, ПРЕЗИДЕНТ» тақдим карда шуд.
АКС: Кумитаи иҷроияи Ҳаракати ваҳдати миллӣ ва эҳёи Тоҷикистон
Истироҳатгоҳи маърифатӣ ва фароғатии «Камароб» ба фаъолият оғоз намуд
«ШОҲНОМА – ШОҲАСАРИ МОНДАГОР ВА ПАЙВАНДГАРИ НАСЛҲОИ ОРИЁӢ». Дар Душанбе конфронси байналмилалӣ баргузор шуд
Барои пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
