ЛИЖАРОНИИ КӮҲӢ. Варзишгари навраси тоҷик дар Бозиҳои дуюми зимистонаи Бачаҳои Осиё медали тилло ба даст овард
![](https://khovar.tj/wp-content/uploads/2023/03/lizharoni.jpg)
ДУШАНБЕ, 01.03.2023 /АМИТ «Ховар»/. Варзишгари навраси тоҷик Алиҷон Сулаймонӣ дар Бозиҳои дуюми зимистонаи Бачаҳои Осиё дар шаҳри Кузбасси Русия дар лижаронии кӯҳӣ, слаломи калон сазовори медали тилло шуд. Дар ин хусус ба АМИТ «Ховар» дар Кумитаи миллии олимпии Тоҷикистон хабар доданд.
Бозиҳои 2-юми зимистонаи «Бачаҳои Осиё» 23 феврал дар шаҳри Кузбасси вилояти Кемеровои Федератсияи Русия оғоз гардида, 5 март ба анҷом мерасанд.
АКС: Кумитаи миллии олимпии Тоҷикистон