ЛОИҲАИ УСТУВОРГАРДОНИИ ШАҲРИ ХОРУҒ. Дар доираи он барои дастрасии аҳолӣ ба инфрасохтори ҳаётан муҳим шароит муҳайё карда мешавад
ДУШАНБЕ, 10.03.2023 /АМИТ «Ховар»/. Дар асоси Нақшаи генералии шаҳри Хоруғ ва дар доираи Лоиҳаи устуворгардонии шаҳр бо мақсади кам кардани шиддати танбашавии аҳолӣ дар пулҳои мошингузар, ҳамзамон мусоидат ба сокинони маҳаллаҳои «Баракат» ва «Табобатхона» ҷиҳати сари вақт расидан ба маркази шаҳри Хоруғ аз болои дарёи Ғунд ва Шохдара пули нави пиёдагард бо дарозии то 80 метр ва паҳноии 4 метр сохта мешавад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.
Ҳамзамон дар доираи ин лоиҳа кормандони Хоҷагии об ва канализатсияи шаҳри Хоруғ соҳиби либоси махсус ва ашёи корӣ гардид, ки аз ҷониби роҳбарияти шаҳр ба онҳо дастрас карда шуд. Ин тадбир бо мақсади беҳтар намудани шароити кору хизматрасонии кормандони Хоҷагии об ва канализатсияи шаҳр ба роҳ монда шуд.
Ҷузъи асосии «Барномаи рушди иҷтимоиву иқтисодии шаҳри Хоруғ барои солҳои 2020-2025» бо назардошти мавқеи хоси шаҳр, ки яке аз шаҳрҳои баландкӯҳ ва осебпазири мамлакат буда, зери хатари доимии табиӣ, иқлимӣ, иҷтимоӣ ва демографӣ қарор дорад, бояд ба инобат гирифта шавад.
Барнома бо мақсади табдил додани муҳити осебпазири шаҳри Хоруғ ба муҳити бехатар ва фароҳам сохтани шароити мусоид барои бехатарӣ ва дастрасии доимии аҳолӣ ба инфрасохтори ҳаётан муҳими зиндагӣ, аз ҷумла роҳҳо, обу корез, хати неруи барқ ва дигар инфрасохтор бо ҷалби имконият ва роҳнамоии мақомоти давлатӣ бо шарикони рушд таҳия гардидааст.
Вазифаи асосии лоиҳа устувории иҷтимоиву иқтисодии шаҳри Хоруғ ба ҳисоб меравад.
София ШОИК,
АМИТ «Ховар»
АКС: Мақомоти иҷроияи ҳокимияти давлатии шаҳри Хоруғ
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
БАРНОМАИ РУШДИ РОҲНАМОИ КАСБ. Татбиқи он имкон медиҳад, ки шумораи аҳолии бо ҷойи кор таъминшуда ҳамасола 2-2,2 фоиз афзоиш ёбад
«ЧИЛ ДУХТАРИ ТОҶИК БО ЧИЛ ГЕСӮИ ДАРОЗ». Таҳти ин унвон намоиши либосҳои миллӣ баргузор гардид
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
Дар минтақаи Кӯлоб шумораи нафақагирон беш аз 127 ҳазор нафарро ташкил медиҳад
Ба 12 оилаи аз офати табиӣ зарардидаи ноҳияи Абдураҳмони Ҷомӣ қитъаи замини наздиҳавлигӣ ҷудо гардид
