Маҷаллаи «Шарҳи вазъи назорати маводи нашъадор дар Ҷумҳурии Тоҷикистон дар соли 2022» дар Вена муаррифӣ карда шуд
ДУШАНБЕ, 16.03.2023 /АМИТ «Ховар»/. Бо ташаббуси ҳайати Ҷумҳурии Тоҷикистон дар доираи иҷлосияи 66-уми Комиссияи Созмони Милали Муттаҳид (СММ) оид ба маводи нашъаовар чорабинии канорӣ бо иштироки роҳбарон ва ҳайатҳои давлатҳои аъзои СММ, созмонҳои бонуфузи байналмилалӣ, намояндагони ҷомеаи шаҳрвандӣ ва дигар иштирокчиёни иҷлосия доир карда шуд. Чорабинии канорӣ таҳти ҳамраисии Намояндаи минтақавии Раёсати СММ оид ба маводи нашъаовар ва ҷинояткорӣ хонум Ашита Миталл баргузор гардид. Дар ин хусус ба АМИТ «Ховар» дар Агентии назорати маводи нашъаовари назди Президенти Ҷумҳурии Тоҷикистон хабар доданд.
Директори Агентӣ Ҳабибулло Воҳидзода маҷаллаи «Шарҳи вазъи назорати маводи нашъадор дар Ҷумҳурии Тоҷикистон дар соли 2022»-ро, ки ҳамасола таҳия ва нашр мегардад, ба ҳозирин муаррифӣ намуд.
Таваҷҷуҳи иштирокдорон бештар ба тадбирҳои андешидаи Ҳукумати Ҷумҳурии Тоҷикистон дар самти назорати маводи нашъаовар, тамоюли асосии вазъи маводи мухаддир дар мамлакат ва минтақа, инчунин фаъолияти вазорату идораҳои дахлдори ҷумҳурӣ дар самти муқовимат бо муомилоти ғайриқонунии маводи нашъадор, мубориза бо қочоқи маводи мухаддир ва гурӯҳҳои муташаккили ҷинояткор, назорати муомилоти қонунии маводи нашъаовар ва пешгирии нашъамандӣ, таҳкими назорати Сарҳади давлатӣ, баргузории амалиёти муштараки зиддимухаддиротӣ бо мақомоти ҳифзи ҳуқуқи дигар давлатҳо, амалисозии барномаҳо, татбиқи лоиҳаҳои зидди маводи мухаддир ва ҳамкории байналмилалӣ ҷалб карда шуд.
Маҷаллаи мазкур ҳамчун маводи иттилоотӣ-таҳлилӣ барои дар арсаи байналмилалӣ муаррифӣ намудани сиёсати зиддимухаддиротии Ҳукумати Ҷумҳурии Тоҷикистон, натиҷаҳои татбиқи барномаю стратегияҳои давлатӣ ва лоиҳаҳои байналмилалӣ мусоидат менамояд.
Муаррифии маҷаллаи мазкур дар доираи чорабиниҳои иҷлосия барои ҷалб намудани таваҷҷуҳи давлатҳои пешрафтаи ҷаҳон ба ҳалли мушкилоти маводи нашъаовар дар Тоҷикистон мусоидат менамояд.
Дар чорабинии мазкур Директори Маркази минтақавии ҳамоҳангсозии иттилоотии Осиёи Марказӣ оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳо ва Президенти КАТКА иштирок ва оид ба масъалаҳои мубориза бо муомилоти ғайриқонунии маводи нашъаовар муҳокимаронӣ намуда, барои рушди ҳамкории судманд изҳори омодагӣ карданд.
Ёдовар мешавем, ки ҳайати Тоҷикистон таҳти роҳбарии Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода ҷиҳати иштирок дар иҷлосияи 66-уми Комиссияи СММ оид ба маводи нашъаовар дар шаҳри Венаи Австрия қарор дорад.
АКС: Агентии назорати маводи нашъаовари назди Президенти Ҷумҳурии Тоҷикистон
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд
МУҚОВИМАТ БА ИФРОТГАРОӢ. Дар ин мавзуъ дар Душанбе конференсияи илмӣ-амалӣ баргузор гардид
Намояндагони мақомоти ҳифзи ҳуқуқи Тоҷикистон дар Форуми байналмилалии ҳуқуқӣ дар Санкт-Петербург иштирок намуданд
Кормандони мақомоти милитсияи шаҳри Душанбе Рӯзи Ваҳдати миллиро таҷлил намуданд
Дар Вазорати мудофиа маъракаи даъвати баҳорӣ ба хизмати ҳатмии ҳарбӣ натиҷагирӣ шуд
ТАВАҶҶУҲ! Мақомоти милитсияи Душанбе огоҳ месозад: « Ба ҳар гуна зангҳои афроди ношинос ва хабарҳои бардурӯғи онҳо бовар накунед»
