Мадинаи Рустам дар Мусобиқаи гӯштини миллӣ ду Шоҳҷоиза ба даст овард
ДУШАНБЕ, 27.03.2023. /АМИТ «Ховар»/. Паҳлавондухтари ноҳияи Восеъ Мадинаи Рустам дар Мусобиқаи гӯштини миллӣ, ки 21- 22 март дар ноҳияи Абдураҳмони Ҷомӣ ва шаҳри Бохтари вилояти Хатлон баргузор гардид, ҳамаи рақибонашро шикаст дода, соҳиби ду Шоҳҷоиза — ду мошини сабукрав шуд. Дар ин хусус ба АМИТ «Ховар» дар Раёсати кор бо ҷавонон ва варзиши вилояти Хатлон хабар доданд.
Ба иттилои манбаъ, Мадинаи Рустам 21 март дар мусобиқаи гӯштини миллии ноҳияи Абдураҳмони Ҷомӣ маҳорати хуб нишон дода, шаш рақибро мағлуб намуд ва соҳиби мошини сабукрав гардид.
Мадинаи Рустам бо мақсади дастгирии ятимону бепарасторон ва ғамхорӣ намудан ба ин ашхос Шоҳҷоизаи бадастовардаи худро ба хонаи ятимони ноҳияи Абдураҳмони Ҷомӣ туҳфа кард.
Инчунин ин варзишгари номдор дар гӯштини миллӣ, ки 22 март дар маркази маъмурии вилояти Хатлон-шаҳри Бохтар баргузор гардид, 9 ҳарифи худро шикаст дода, соҳиби яке аз шоҳҷоизаҳо – мошини «Лада приора» шуд.
Калиди мошинро дар вазъияти тантанавӣ ба Мадина Раиси вилояти Хатлон Давлаталӣ Саид супорид.
Ёдовар мешавем, ки Мадинаи Рустам зодаи деҳаи Кадучии ноҳияи Восеъ буда, дастпарвари мактаби варзишии Кангурт аст.
АКС аз манбаъҳои боз
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
