Мавқеи Тоҷикистон дар раддабандии ФИФА тағйир ёфт
ДУШАНБЕ, 31.03.2023 /АМИТ «Ховар»/. Дастаи мунтахаби футболи Тоҷикистон дар доираи омодагӣ ба қисми ниҳоии Ҷоми Осиё-2023 25 ва 28 март бо дастаҳои мунтахаби Амороти Муттаҳидаи Араб ва Кувайт бозии дӯстона анҷом дод, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Ба иттилои манбаъ, дар бозии аввал дастаи мунтахаби Тоҷикистон дар шаҳри Абузабӣ бо тими мунтахаби Амороти Муттаҳидаи Араб бозиро мусовӣ (0:0) анҷом дод.
Дар бозии дуюм футболбозони тоҷик дар Варзишгоҳи байналмилалии Ҷобир Ал-Аҳмади шаҳри Ал-Кувайт бо дастаи мунтахаби Кувайт бозии дигари рафиқона доир карданд. Он ҷо бозӣ бо ҳисоби 2 бар 1 ба фоидаи мизбонон анҷом ёфт.
Пас аз бохт аз дастаи мунтахаби Кувайт дастаи мунтахаби футболи Тоҷикистон дар раддабандии FIFA 4 зина пойин омада, дар мавқеи 111 -ум маскан гирифт. Ёдовар мешавем, ки дар раддабандии нави ФИФА ҳоло дастаи мунтахаби Бразилия бо 1841 имтиёз ҳамоно дар садри ҷадвал аст. Дастаи мунтахаби Аргентина бо 1838 имтиёз ва дастаи мунтахаби Фаронса бо 1823 имтиёз мавқеъҳояшонро тағйир дода, ба сегонаи беҳтаринҳо шомил ҳастанд.
Дастаи мунтахаби Тоҷикистон дафъаи дигар таҳти роҳбарии мутахассиси хорватӣ Петр Сегрт моҳи май, вақте омодагиҳо ба чемпионати нахустини Ассотсиатсияи футболи Осиёи Марказӣ шуруъ мешаванд, ҷамъ хоҳад шуд. Хотиррасон мешавем, ки Чемпионати CAFA-2023 аз 9 то 20 июни соли равон дар шаҳри Тошканд ва Бишкек ба нақша гирифта шудааст.
АКС: Федератсияи футболи Тоҷикистон
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
