Намояндаи Тоҷикистон дар нишасти сеюми вазирони энергетикаи Созмони ҳамкории Шанхай иштирок намуд
ДУШАНБЕ, 15.03.2023 /АМИТ «Ховар»/. Тоҷикистон афзоиши истеҳсоли неруи барқро тавассути ҷорӣ намудани манбаъҳои барқароршавандаи энергия ба нақша гирифтааст. То соли 2030 иқтидори муқарраргардидаи истеҳсоли барқ аз ҳисоби энергияи офтобӣ ва шамол бояд на камтар аз 700МВт -ро ташкил диҳад. Дар ин самт аллакай якҷо бо шарикони рушд лоиҳаи якчанд истгоҳи офтобӣ таҳия гардида истодааст. Чунин гуфт Вазири энергетика ва захираҳои оби Тоҷикистон Далер Ҷумъа дар нишасти 3-юми вазирони энергетикаи давлатҳои аъзои Созмони ҳамкории Шанхай /СҲШ/, ки дар сиғаи маҷозӣ доир гардид, хабар медиҳад АМИТ «Ховар» бо истинод ба Вазорати энергетика ва захираҳои оби ҷумҳурӣ.
Дар нишаст вазирони энергетикаи давлатҳои узви Созмони ҳамкории Шанхай масъалаҳои марбут ба энергетикаро бо инобати дорои иқтидори бузурги энергия будани минтақа баррасӣ карданд. Таъкид гардид, ки Тоҷикистон сохтмони НБО «Роғун»- ро идома дода истодааст ва он дар оянда на танҳо амнияти энергетикии Тоҷикистонро таъмин менамояд, балки дар афзоиши ҳаҷми содироти неруи барқ ба ҳамсоядавлатҳо низ саҳм мегузорад.
Дар нишаст татбиқи лоиҳаҳои сармоягузории байниминтақавӣ, рушди энергияи «сабз», бунёд ва таҷдиди манбаъҳои нави тавлиди неруи барқ, аз ҷумла неругоҳҳои дар ҳавзаи дарёи Зарафшон дар доираи ҳамкории муштарак байни Тоҷикистон ва Узбекистон сохташаванда таъкид гардид.
Вобаста ба тағйирёбии иқлим Вазири энергетика ва захираҳои оби Тоҷикистон гуфт, ки соҳаи энергетика аз равандҳои дар ин самт баамаломада дар канор намонд. Мусаллам аст, ки оби дар неругоҳҳо истифодашаванда аз ҳисоби пиряхҳо ба вуҷуд меояд, ки мутаассифона, солҳои охир босуръат об шуда истодаанд.
Тибқи арзёбии коршиносон, пиряхҳои Тоҷикистон давоми асри сипаригардида 30 фисади ҳаҷми худро аз даст додаанд. Баҳри ҳифзи онҳо ташаббуси навбатии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба эълон гардидани соли 2025 Соли байналмилалии ҳифзи пиряхҳо бо қатъномаи қабулнамудаи Созмони Милали Мутаҳид пазируфта шуд.
Дар айни замон ҳаҷми умумии сармоягузории давлатҳои узви Созмони ҳамкории Шанхай ба соҳаи энергетикаи Тоҷикистон зиёда аз 1,3 миллиард доллари америкоиро ташкил медиҳад. Дар нишаст ҳамкорӣ дар соҳаи комплекси энергетикию сӯзишворӣ дар доираи ин созмон баррасӣ карда шуд.
Тавре иброз гардид, ҳамасола дар доираи шартномаи дуҷониба аз Русия қисми назарраси маҳсулоти нафтӣ тариқи тавозуни индикативӣ ба ҷумҳурӣ ворид мегардад. Ба чоргонаи асосии шарикон оид ба воридоти маҳсулоти нафтӣ ба Тоҷикистон Қазоқистон, Узбекистон ва Туркманистон дохиланд.
Вазирони энергетикаи Созмони ҳамкории Шанхай ҳамзамон масъалаҳои дигари марбут ба таҳкими ҳамкории давлатҳои аъзоро дар соҳаи обу энергетика баррасӣ намуданд.
АКС: Вазорати энергетика ва захираҳои оби Ҷумҳурии Тоҷикистон
Дар Қатар инъикоси мавзеъҳои сайёҳии Тоҷикистон дар шабакаи иттилоотии «Ал-Ҷазира» баррасӣ шуд
Дар Риёз ҳамкории байнипарлумонии Тоҷикистон ва Арабистони Саудӣ баррасӣ гардид
Сарвазири Ҷумҳурии Тоҷикистон Қоҳир Расулзода бо Раиси Ҳукумати Федератсияи Русия Михаил Мишустин мулоқот анҷом дод
Сафири Тоҷикистон бо ректори Донишгоҳи давлатии иқтисодии Урал ва тоҷикони муқими вилояти Свердловск мулоқот намуд
Сарвазири Тоҷикистон бо Раиси Ҷумҳурии Тотористон мулоқот намуд
Имконияти сармоягузорӣ ва захираҳои табиии Тоҷикистон дар Муколамаи тиҷоратии Ҷопон ва Осиёи Марказӣ муаррифӣ шуд
Фонди қатарии рушд ба вусъат додани ҳамкорӣ бо Тоҷикистон ҳавасманд мебошад
Сарвазири Тоҷикистон бо Губернатори вилояти Свердловски Русия мулоқот намуд
Антониу Гутерриш: «Тоҷикистон дар кори Созмони Милали Муттаҳид ва дар умум кори ҷомеаи ҷаҳонӣ нақши барҷаста дорад»
Си Ҷинпин: «Муносибатҳои Чину Тоҷикистон аз ҳамсоягии нек ба шарикии беназири стратегӣ табдил меёбанд»
Си Ҷинпин дар бораи равобити Чин ва Тоҷикистон: «Мо дӯстони содиқ будему ҳастем ва дар лаҳзаҳои мушкил ба якдигар кумак мерасонем»
Эмомалӣ Раҳмон: «Муносибатҳои дуҷонибаи Тоҷикистону Чин намунаи шоистаи ҳамкории муваффақ мебошанд»
