ҶОМИ ОСИЁ-2023. Дастаи мунтахаби ҷавонони Тоҷикистон (U-20) бозии якуми худро анҷом дод

ДУШАНБЕ, 03.03.2023 /АМИТ «Ховар»/. Дастаи мунтахаби ҷавонони Тоҷикистон (U-20) дар бозии якуми Ҷоми Осиё-2023 дар гурӯҳи «С» аз дастаи Урдун бо ҳисоби 0:2 мағлуб шуд. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Дар даври дуюми марҳилаи гурӯҳӣ 5 март дастаи мунтахаби ҷавонони мо бо ҳамсолони худ аз Уммон, ки имрӯз аз тими Кореяи Ҷанубӣ бо ҳисоби 0:4 шикаст хӯрд, бозӣ мекунад.

Ҷоми Осиё-2023 байни дастаҳои ҷавонон (U-20)

Гурӯҳи «С». Даври 1

ТОҶИКИСТОН – Урдун – 0:2

Голҳо: Алӣ Ал-Азаиза, 7 (0:1). Сайф Аддин Дарвеш, 27 (0:2).

Аз майдон ронда шуд: Бакер Калбоуне, Урдун, 1.

2 март. Тошканд. Варзишгоҳи «Локомотив».

АКС: Федератсияи футболи Тоҷикистон