Теъдоди ҳалокшудагони ярч дар шимоли Индонезия ба 44 нафар расид
![](https://khovar.tj/wp-content/uploads/2023/03/Indoneziya-1.jpg)
ДУШАНБЕ, 13.03.2023 /АМИТ «Ховар»/. Теъдоди бар асари ярч ҳалокшудагон дар ҷазираҳои Риауи шимоли Индонезия ба 44 нафар расид. Тавре АМИТ «Ховар» иттилоъ медиҳад, дар ин хусус агентии «Синхуа» хабар додааст.
Қаблан оид ба 33 нафар ҳалокшудагони ҳодисаи табиӣ маълумот расида буд.
Ба гуфтаи мақомоти маҳаллӣ, 11 нафар бедарак гашта, зиёда аз ду ҳазор сокини маҳаллӣ ба ҷойҳои бехавф кӯчонида шуд.
Бар асари бориши шадид дар ҷазираҳои Риау якчанд ярч ба амал омад. Дар айни замон корҳои ҷустуҷӯӣ ва наҷотдиҳӣ идома доранд.
Азиза ДАДАБОЕВА,
АМИТ «Ховар»
АКС аз манбаъҳои боз