ҶУДО. Рӯзи якуми мусобиқаи Antalya Grand Slam 2023 барои паҳлавонони тоҷик бе натиҷа анҷом ёфт
ДУШАНБЕ, 31.03.2023 /АМИТ «Ховар»/. Имрӯз дар шаҳри Анталияи Туркия мусобиқаи Antalya Grand Slam 2023 оид ба намуди гӯштини ҷудо оғоз гардида, дар рӯзи якум дар вазнҳои -48 кг, -52 кг, -57 кг занон ва дар вазнҳои -60 кг ва -66 кг мардон байни ҳам рақобат карданд. Дар ин хусус шореҳи варзиш Муродалӣ Тешаев ба хабарнигори АМИТ «Ховар» иттилоъ дод.
Тоҷикистонро дар рӯзи якуми мусобиқа ду паҳлавони ҷавон- Муҳаммадсолеҳ Қувватов ва Обид Ҷебов намояндагӣ карданд. Нахуст Муҳаммадсолеҳ Қувватов дар вазни то 60 кг дар даври аввал бо ҷудокори узбек Дилшодбек Баротов қувва санҷида, ноком шуд ва аз идомаи мусобиқа бенасиб монд.
Обид Ҷебов дар вазни то 66 кг дар ин мусобиқа ҳунарнамоӣ кард. Ӯ дар даври аввал ба муқобили Густав Броволд бо имтиёзи иппон дастболо шуд ва ба даври дуюм баромад. Дар даври дуюм варзишгари тоҷик чемпиони Бозиҳои Олимпии Рио 2016 – ҷудочии итолиёвӣ Фабио Басилеро бо имтиёзи иппон мағлуб карда, ба даври ҳаштякниҳоӣ роҳ ёфт. Дар даври ҳаштякниҳоӣ Обид Ҷебов дар вақти тиллоӣ аз ҷудочии бразилӣ Виллиан Лима мағлуб шуда, аз идомаи рақобатҳо бенасиб монд. Ҳамин тавр, рӯзи якуми мусобиқа барои варзишгарони тоҷик бе натиҷаи назаррас анҷом ёфт.
Пагоҳ, дар рӯзи дуюми мусобиқа Беҳрӯз Хоҷазода дар вазни то 73 кг бо Олтин Валттери аз Финляндия сабқат мекунад.
Дар рӯзи охири мусобиқаи мазкур Шодмон Ризоев бо намояндаи Португалия Жоау Фернандо дар вазни то 81 кг ва Ҷаҳонгир Маҷидов дар вазни то 90 кг бо намояндаи Олмон Мартин Матийасс дар даври аввал қувваозмоӣ мекунанд.
Ёдовар мешавем, ки мусобиқаи Antalya Grand Slam 2023 оид ба гӯштини ҷудо аз 31 март то 2 апрел баргузор мешавад. Барои иштирок дар ин мусобиқаи сатҳи байналмилалӣ 617 ҷудочӣ (357 мард, 260 зан) аз 85 давлат номнавис шудаанд.
АКС: Федератсияи ҷудои Тоҷикистон
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
Варзишгарони тоҷик ба хазинаи варзишии Тоҷикистон 278 медал ворид намуданд
