Ҳайати Тоҷикистон дар вохӯрии машваратии вазирони нақлиёти давлатҳои аъзои СҲШ дар Деҳлӣ иштирок менамояд
ДУШАНБЕ, 28.04.2023 /АМИТ «Ховар»/. Ҳайати Ҷумҳурии Тоҷикистон бо роҳбарии Вазири нақлиёти Ҷумҳурии Тоҷикистон барои иштирок дар вохӯрии машваратии даҳуми вазирони нақлиёт ва ҷаласаи гурӯҳи коршиносони давлатҳои аъзои Созмони Ҳамкории Шанхай (СҲШ) дар шаҳри Деҳлии Нави Ҳиндустон қарор дорад. Дар ин хусус ба АМИТ «Ховар» дар Вазорати нақлиёти Ҷумҳурии Тоҷикистон иттилоъ доданд.
Дирӯз ҷаласаи гурӯҳи кории коршиносони давлатҳои аъзои СҲШ доир гардид, ки дар он намояндагони давлатҳои узви СҲШ ба таври ҳузурӣ ва маҷозӣ иштирок намуданд.
Дар ҷаласаи гурӯҳи кории коршиносони Созмони мазкур баррасии лоиҳаи Консепсияи ҳамкории давлатҳои аъзои СҲШ оид ба декарбонизатсия (кам намудани таъсири карбон ба муҳити зист) дар нақлиёт, пешбурди трансформатсияи рақамӣ ва технологияҳои инноватсионӣ барои ноил шудан ба самаранокӣ ва устувории баланд пешниҳод гардид.
Ҳадафҳои асосии қабули ин Консепсия- кам кардани таъсири карбон ба муҳити зист аз сӯзишвории истифодашаванда, истифодаи технологияҳои алтернативии сӯзишвории нақлиётӣ, инчунин декарбонизатсияи нақлиёт бо мақсади коҳиш додани партовҳои автомобилҳо то соли 2030 тавассути тавсеаи истифодаи манбаъҳои тоза ва барқароршавандаи энергияи оянда ва талош барои таҳия ва пешбурди технологияҳои ба оянда мутобиқ, яъне омӯхтани ҷойгузинҳои (алтернативаҳои) тозатар ва «сабзтар» мебошад.
Мусоидат ба трансформатсияи рақамӣ дар нақлиёт бо мақсади ноил шудан ба истифодаи бештар ва самараноки инноватсияҳои ҷаҳонӣ ва таҷрибаҳои пешқадам низ аз ҳадафҳои дигари консепсия маҳсуб мешавад.
Дар назар аст, ки лоиҳаи консепсияи мазкур баъди баррасии гурӯҳи кории коршиносони давлатҳои аъзои СҲШ барои баррасӣ ва тасдиқ ба вохӯрии машваратии вазирони нақлиёти давлатҳои аъзои СҲШ пешниҳод гардад.
АКС: Вазорати нақлиёти Ҷумҳурии Тоҷикистон
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
