Дар Сеул лоиҳаи сохтмони маҷмааи «IT Hub Dushanbe» баррасӣ гардид
ДУШАНБЕ, 11.11.2025 /АМИТ «Ховар»/. Бо мақсади таҳкими ояндаи рақамии Ҷумҳурии Тоҷикистон лоиҳаи сохтмони маҷмааи «IT Hub Dushanbe» дар мулоқоти директори Агентии инноватсия ва технологияҳои рақамии назди Президенти Ҷумҳурии Тоҷикистон Хуршед Мирзо бо муовини президенти Агентии ҳамкории байналмилалии Корея (KOICA) Ҳонг Сокҳва дар Сеул баррасӣ гардид.
АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон иттилоъ медиҳад, ки дар меҳвари музокирот яке аз ташаббусҳои муҳими фазои рақамии Тоҷикистон — тарҳи сохтмони маҷмааи «IT Hub Dushanbe» қарор гирит.
Ин лоиҳа, ки ҳамчун тарҳи муҳташами миллӣ дар маркази пойтахт татбиқ хоҳад шуд, ба сифати муҳаррики асосии экосистемаи инноватсионии мамлакат фаъолият намуда, барои ширкатҳои технологӣ, стартапҳо ва соҳибкорон инфрасохтори муосир ва муҳити мусоиди фаъолиятро фароҳам хоҳад овард. Лоиҳа рушди иқтисоди рақамӣ, ташаккули навоварии ҷавонон ва рушди устувори рақамиро дар саросари мамлакат тақвият хоҳад дод.
Барои татбиқи ин ташаббус Агентии инноватсия ва технологияҳои рақамии назди Президенти Ҷумҳурии Тоҷикистон бо Агентии ҳамкории байналмилалии Корея (KOICA) созишномаи ҳамкорӣ ба имзо расонид. Лоиҳа иродаи муштараки ҳарду ҷонибро дар самти таҳкими ҳамкории технологӣ ва пешбурди рушди фарогир тавассути навоварӣ инъикос менамояд.
Ин марҳилаи аввалини амалӣ гардидани консепсияи таъсиси «IT Hub Dushanbe» мебошад. Хуршед Мирзо таъкид намуд, ки «ташкили Маркази «IT Hub Dushanbe» заминаи асосии экосистемаи инноватсионии Тоҷикистон хоҳад шуд — маконе, ки истеъдодҳои маҳаллӣ ва байналмилалӣ ҷамъ меоянд, идеяҳо ба воқеият табдил меёбанд ва пешрафти рақамӣ имконияти нав фароҳам меорад».
Маркази «IT Hub Dushanbe» на танҳо лоиҳаи инфрасохторӣ, балки рамзи воридшавии Тоҷикистон ба марҳилаи нави гузариш ба низоми рақамӣ хоҳад буд — марҳилае, ки ба таҳкими фарҳанги рушди стартапҳо, соҳибкорӣ ва муосирсозии устувори иқтисод равона мегардад.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
