Барои ҳавасмандгардонии ғолибони озмуни Стипендияи Раиси шаҳри Душанбе 700 ҳазору 200 сомонӣ ҷудо гардид

ДУШАНБЕ, 12.04.2023. /АМИТ «Ховар»/. 240 хонандаи муассисаҳои таҳсилоти миёнаи умумӣ, донишҷӯёну унвонҷӯёни муассисаҳои таҳсилоти ибтидоӣ, миёна ва олии касбӣ, олимон ва муҳаққиқони ҷавони муассисаҳои илмиву тадқиқотии ҳудуди шаҳри Душанбе ғолибони озмуни Стипендияи Раиси шаҳри Душанбе шуда, ҳавасманд гардонида мешаванд. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.

Бо ин мақсад бо қарори Раиси шаҳри Душанбе муҳтарам Рустами Эмомалӣ аз ҳисоби маблағҳои фонди захиравии Раиси шаҳри Душанбе  дар соли таҳсили 2022-2023 маблағи 700 200 (ҳафтсад ҳазору дусад) сомонӣ ҷудо гардид.

Тибқи қарори дахлдори  Раиси шаҳр,  масъулин вазифадор гардидаанд, ки  ҷиҳати дар фазои тантанавӣ бо шаҳодатнома ва маблағҳои Стипендияи Раиси шаҳри Душанбе сарфароз гардонидани ғолибон  тадбирҳои зарурӣ андешанд.

АКС аз бойгонии АМИТ «Ховар»