БОРИ АВВАЛ. Дар Тоҷикистон амалиёти бурриши меъда бо муваффақият гузаронида шуд
ДУШАНБЕ, 29.04.2023. /АМИТ «Ховар»/. 27 апрел табибони тоҷик бори аввал дар «Маркази ҷумҳуриявии илмии ҷарроҳии дилу рагҳо»-и Вазорати тандурустӣ ва ҳифзи иҷтимоии аҳолии ҷумҳурии Тоҷикистон дар се гирифтори бемории фарбеҳӣ амали буриши меъдаро анҷом доданд. Ҷарроҳӣ бомуваффақият гузаронида шуда, дар шабонарӯзҳои пас аз ҷарроҳӣ ҳолати беморон нисбатан қаноатбахш буда, дар бистар ва ҳуҷра фаъол мебошанд, хабар доданд ба АМИТ «Ховар» дар маркази матбуоти вазорат.
Ба иттилои манбаъ, амалиёти мазкур ба таври лапораскопӣ, бе буриши калони шиками бемор гузаронида шуд, ки ин дар соҳаи ҷарроҳии мамлакат дастовард ба ҳисоб меравад.
Гуфта шуд, ки дар доираи ҳамкории Ҳукумати Тоҷикистон ва Туркия чанде қабл се табиби Муассисаи давлатии «Маркази ҷумҳуриявии илмии ҷарроҳии дилу рагҳо» дар Беморхонаи Мемориали шаҳри Истанбули Туркия дар самти ҷарроҳии бариатрикӣ аз курси бозомӯзӣ гузаштанд.
27 апрел пас аз дастрас намудани таҷҳизот ва лавозимоти зарурӣ табибони Тоҷикистон ва Туркия дар Маркази ҷумҳуриявии илмии ҷарроҳии дилу рагҳо дар се нафар гирифтори бемории фарбеҳӣ амали буриши меъдаро бомуваффақият гузарониданд.
Бояд гуфт, ки тайи солҳои охир масъалаи зиёд шудани фарбеҳӣ дар байни аҳолӣ мутахассисони соҳаи тибро ба ташвиш овардааст. Ҳоло пешгирии фарбеҳӣ масъалаи афзалиятноки соҳаи тандурустии аксари кишварҳои ҷаҳон ба ҳисоб меравад. Масъалаҳои омӯзиш, пешгирӣ ва табобати фарбеҳӣ дар доираи «Стратегия оид ба ғизо ва фаъолияти ҷисмонӣ дар Ҷумҳурии Тоҷикистон барои солҳои 2015-2024», ки бо қарори Ҳукумати Ҷумҳурии Тоҷикистон аз 31 декабри соли 2014 тасдиқ шудааст, ҳамчун масъалаи афзалиятноки байнисоҳавӣ муайян гардидааст.
Фарбеҳӣ ва маҷмуи оризаҳои он аз охири асри 20 ва аввалҳои асри 21 инҷониб масъалаи ҳалталаби байнисоҳавии аксарияти давлатҳои ҷаҳон ба шумор рафта, Созмони умумиҷаҳонии Тандурустӣ (СУТ) онро бемории ҷаҳонӣ эълон намудааст.
Ҳоло дар Тоҷикистон «Барномаи пешгирии фарбеҳӣ ва ташаккули ғизои солим дар Ҷумҳурии Тоҷикистон барои солҳои 2019-2024» қабул шудааст, ки тамоми табақаҳои аҳолиро фаро мегирад. Барномаи мазкур бемории фарбеҳиро пешгирӣ намуда, ба солимгардонии аҳолӣ мусоидат менамояд.
Табибони муассиса дар оянда нақша доранд, ки гузаронидани чунин навъи амалиётро дар беморон васеъ ба роҳ монанд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
