ЧЕМПИОНАТИ ОСИЁ. Варзишгарони тоҷик соҳиби ду медали медали биринҷӣ гардиданд

ДУШАНБЕ, 29.04.2023 /АМИТ «Ховар»/. Мусобиқаҳо дар Чемпионати Осиё оид ба қайиқронӣ дар байдарка ва каноэ, ки 26 апрел дар шаҳри Самарқанди Узбекистон шуруъ шуд, идома доранд.  Дар он варзишгарони тоҷик низ иштирок доранд. Дар ин хусус ба АМИТ «Ховар» дар Федератсияи қайиқронии Тоҷикистон хабар доданд.

28 апрел — байни наврасони то 18-сола ва ҷавонони то 23-сола варзишгаронамон дар каноэи дунафара (С-2) ба масофаи 200м (Рустамов Умар ва Раҷабов Муҳаммадӣ) ва дар каноэи дунафара (С-2) дар масофаи 1000м (Бобоҷонов Бобоҷон ва Бобоҷонов Амирҷон) сазовори ҷойи сеюм гаштанд.

Ёдовар мешавем, ки дар рӯзи дуюми Чемпионати Осиё оид ба қайиқронӣ дар байдарка ва каноэ варзишгарони Тоҷикистон дар сабқати каноэи чорнафарӣ (С-4) дар масофаи 500 метр байни ҷавонони то 18-сола сазовори медали биринҷӣ шуданд.

Чемпионати Осиё оид ба қайиқронӣ дар байдарка ва каноэ байни  ҷавонони то 18 ва то 23-сола ва пара-каноэ, ки 26 апрел дар шаҳри Самарқанди Узбекистон оғоз шуд, то 30 апрел идома меёбад.

Федератсияи қайиқронии Тоҷикистон 26 варзишгарро ба ин мусобиқа равон намудааст.

АКС: Федератсияи қайиқронии Тоҷикистон