Дар ҷаласаи Шӯрои Ассамблеяи байнипарлумонии давлатҳои аъзои Иттиҳоди Давлатҳои Мустақил 21 масъала баррасӣ ва қабул гардид
ДУШАНБЕ, 14.04.2023 /АМИТ «Ховар»/. Дирӯз, 13 апрел ҷаласаи Шӯрои Ассамблеяи байнипарлумонии давлатҳои аъзои Иттиҳоди Давлатҳои Мустақил баргузор гардид, ки ҳайати расмии парлумонии Тоҷикистон таҳти сарварии Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода ва муовини аввали Раиси Маҷлиси миллии Маҷлиси Олии Ҷумхурии Тоҷикистон Раҷаббой Аҳмадзода дар кори он иштирок намуданд. Дар ин хусус АМИТ «Ховар» бо истинод ба котиби матбуоти Маҷлиси намояндагон хабар медиҳад.
Аъзои Шӯро рӯзномаи онро тасдиқ намуда, 21 масъаларо баррасӣ ва қабул намуданд.
Сарони ҳайатҳои парлумонии давлатҳои аъзои АБ ИДМ дар рӯзномаи ҷаласа натиҷаҳои фаъолияти маҷлис дар соли 2022, мониторинги интихоботи пеш аз муҳлати Президенти Ҷумҳурии Қазоқистон ва интихоботи пеш аз муҳлати вакилони Маҷлиси порлумони Қазоқистонро баррасӣ намуданд.
Аъзои Шӯро ҳамчунин масоили омодагӣ ба Конгресси X байналмилалии муҳити зист, ки 25-26 майи соли 2023 дар Қасри Таврический баргузор мешавад, Форуми байналмилалии «Санкт-Петербург – пойтахти парлумонии Иттиҳоди Давлатҳои Мустақил» ва «Тараққиёти устувори территорияҳои кӯҳсор»-ро мавриди муҳокима қарор доданд.
Дар ҷаласаи Шӯро раиси Комиссияи доимии АБ ИДМ оид ба масъалаҳои ҳуқуқӣ, раиси кумитаи қонунгузорӣ ва ҳуқуқи инсони Маҷлиси намояндагон Равшан Раҷабзода «Дар бораи фаъолияти комиссияи доимии АБ ИДМ оид ба масъалаҳои ҳуқуқӣ» маълумот дода, таъкид намуд, ки яке аз масъалаҳои аввалини комиссияи мазкур- ин омода намудани асоси меъёрии танзими фаъолияти АБ давлатҳои аъзои ИДМ ба ҳисоб меравад. Вазифаи дигари муҳими комиссияи мазкур- ин коркарди санадҳои қонунгузорӣ оид ба масъалаҳои муҳими танзими ҳукуқӣ ба шумор меравад.
Дар кори ҷаласаи Шӯрои Ассамблеяи байнипарлумонии давлатҳои аъзои Иттиҳоди Давлатҳои Мустақил раисони кумитаҳои Маҷлиси миллӣ, намояндагон ва намояндаи Маҷлиси Олии Ҷумҳурии Тоҷикистон дар қароргоҳи Ассамблеяи байнипарлумонии давлатҳои аъзои Иттиҳоди Давлатҳои Мустақил иштирок намуданд.
АКС: Маҷлиси намояндагони Маҷлиси Олии Ҷумҳурии Тоҷикистон
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд
Рустами Эмомалӣ дар Тошканд бо Нақшаи генералии лоиҳаи шаҳрсозии «Тошканди нав» шинос шуданд
Рустами Эмомалӣ дар назди муҷассамаи Истиқлолият дар боғи «Узбекистони Нав» гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Узбекистон
