Дар ИДМ ташкилоти заминавӣ оид ба тайёрӣ ва бозомӯзии мутахассисони рӯзноманигор пайдо мешавад

Апрель 19, 2023 20:17

ДУШАНБЕ, 19.04.2023 /АМИТ «Ховар»/. Донишгоҳи дӯстии халқҳои Русия ташкилоти заминавии давлатҳои иштирокчии Иттиҳод оид ба тайерӣ ва бознигарии кадрҳои журналистӣ хоҳад буд. Чунин қарор дар Шӯрои вазирони корҳои хориҷии ИДМ, ки 14 апрели соли 2023 дар Самарқанд баргузор гардид, қабул карда шуд. Дар ин хусус АМИТ «Ховар» бо истинод ба Кумитаи иҷроияи ИДМ хабар медиҳад.

Бо ташаббуси таъсиси ташкилоти асосӣ дар Иттиҳод оид ба тайёрӣ ва бознигарии кадрҳои баландихтисоси журналистӣ Шӯрои роҳбарони агентиҳои давлатии иттилоотии ИДМ баромад кард. Ба ақидаи иштирокчиёни Шӯро, таъсиси чунин ташкилоти заминавӣ имкон медиҳад, ки сатҳи касбии кадрҳои журналистӣ дар Иттиҳод, ки дар ҳамкории ҳамгироӣ ва иттилоотии давлатҳои ИДМ иштирок мекунад, баланд бардошта шавад.

Пешниҳод аз ҷониби Шӯрои ҳамкорӣ дар соҳаи маорифи давлатҳои ИДМ дастгирӣ карда шуд. Дар иҷрои ин қарор Вазорати илм ва таҳсилоти олии Федератсияи Русия номзадии Донишгоҳи дӯстии халқҳои Русияро барои таъсиси ташкилоти заминавӣ дар асоси он пешниҳод кард. Донишгоҳ яке аз муассисаҳои олии пешрафтаи Русия мебошад, ки мутахассисони дар воситаҳои гуногуни ахбори омма дархостшударо, ки дорои хислати хоси равандҳои иттилоотӣ дар давлатҳо ва минтақаҳои ҷаҳон, аз ҷумла фазои Иттиҳод мебошанд, тайёр мекунад.

Донишгоҳи дӯстии халқҳо 5 феврали соли 1960 таъсис ёфтааст. Имрӯз  Донишгоҳ ҳам дар Русия ва ҳам дар хориҷа ҳамчун маркази таҳсилоти олӣ маъруф аст. Беш аз 200 ҳазор хатмкунандаи он қариб дар тамоми кишварҳои ҷаҳон кор мекунад.

Азиза ИКРОМ,
АМИТ «Ховар»

АКС: Кумитаи иҷроияи ИДМ

Апрель 19, 2023 20:17

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид