«ФУТБОЛ БА НАЗДИ ШУМО МЕОЯД». Таҳти чунин унвон дар шаҳри Хоруғ ҳамоиш доир шуд
ХОРУҒ, 18.04.2023 /АМИТ «Ховар»/. Дар толори варзишии наздимактабии №5 шаҳри Хоруғ бо ибтикори Федератсияи футболи Тоҷикистон ва Федератсияи футболи Вилояти Мухтори Кӯҳистони Бадахшон таҳти унвони «Футбол ба назди шумо меояд» бо иштироки футболбозони наврас ва мураббиён ҳамоиш баргузор гардид, хабар медиҳад мухбири минтақавии АМИТ «Ховар» Файз Мирасан.
Футбол яке бозиҳои дӯстдоштании кӯдакону наврасон аст ва аз ин рӯ онҳо дар мусобиқаҳои шаҳрию ноҳиявӣ ва дигар чорабиниҳои марбут ба ин намуди варзиш бо шавқи беандоза иштирок мекунанд. Дар ҳамоиши навбатӣ, ки «Футбол ба назди шумо меояд» унвон дошт, теъдоди зиёди кӯдакону наврасон ҳамроҳи мураббиёнашон иштирок намуданд. Ин ҳамоиш бо ибтикори Лигаи футболи наврасону кӯдакони Федератсияи футболи ҷумҳурӣ ва дастгирии ширкати Тселл баргузор гардида, пас аз бозии дӯстона ба футболбозони навраси шаҳри Хоруғ, ноҳияҳои Ишкошим, Роштқалъа ва Рӯшон тӯбу тӯрҳои дарвозаи футбол такдим карда шуд.
Роҳбари бошгоҳи дӯстдорони футболи ноҳияи Ишкошим Ҳақназар Собир иброз дошт, ки «давоми чанд соли охир ба дастгирии Федератсияи футболи Тоҷикистон ин намуди варзиш хеле рушд ёфтааст. Пайваста баргузор кардани мусобиқаҳои футбол, машваратҳои назариявию амалӣ барои мураббиён, таъмин бо лавозимоти варзишӣ ва афзоиши бесобиқаи шумораи майдончаҳои футбол дар шаҳру ноҳияи вилоят теъдоди ҳаводорони ин намуди зебои варзишро сол аз сол бештар мегардонад».
Раиси Федератсияи футболи вилоят Аноятшо Аноятшоев гуфт, ки «ҳоло дар ҳудуди вилоят 10 дастаи писарона ва се дастаи духтаронаи футбол амал мекунад. Дастаи мунтахаби наврасон ду сол пай дар пай дар мусобикаҳои ҷумҳуриявӣ иштирок намуда, дар мақоми ифтихорӣ ҷой гирифт. Ҳоло дар шаҳру ноҳияҳои вилоят мусобиқа байни наврасон идома ёфта, дастаи ғолиб ба мусобиқаи ҷумҳуриявӣ, ки моҳи июн дар пойтахти мамлакат-шаҳри Душанбе баргузор мегардад, роҳхат мегирад».
Бино ба иттилои манбаъ, 27 мураббии дорои дараҷаи С ва 3 мураббии дорои дараҷаи В футболбозони наврасро ба мусобиқаҳои маҳаллӣ ва сатҳи ҷумҳуриявӣ омода мекунанд.
АКС: АМИТ«Ховар»
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
