ФУТБОЛ. «Истиқлол» баъди ғалаба бар дастаи «Файзканд» дар даври дуюм садрнишини ҷадвали Лигаи олӣ гардид
ДУШАНБЕ, 08.04.2023 /АМИТ «Ховар»/. 8 апрел бозии охири даври дуюми Чемпионати Тоҷикистон оид ба футбол байни дастаҳои футболи «Истиқлол»-и шаҳри Душанбе ва «Файзканд»-и ноҳияи Восеъ хеле ҷолиб доир шуд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Вохӯрии дастаҳо дар варзишгоҳи марказии шаҳри Душанбе дар сатҳи баланд баргузор гардида, бо ҳисоби 2 бар 1 ба нафъи мизбонон анҷом ёфт. Голҳоро дар ҳайати дастаи «Истиқлол» Манучеҳр Ҷалилов ду маротиба ва аз ҳайати дастаи футболи «Файзканд»-и ноҳияи Восеъ Билол Сулаймонов ба нишон расониданд. Беҳтарин бозингари вохӯрӣ аз ҳайати дастаи футболи «Истиқлол»-и шаҳри Душанбе Манучеҳр Ҷалилов эътироф гардид
Бояд гуфт, ки дар даври навбатии Чемпионати Тоҷикистон дастаи «Истиқлол» дар шаҳри Турсунзода бо дастаи «Регар-ТадАЗ» вориди рақобат мегардад. Вохӯрии дастаҳо 12 апрел дар варзишгоҳи «Талко Арена» доир мегардад. Дастаи футболи «Файзканд»-и ноҳияи Восеъ дар даври навбатӣ 11 апрел бо дастаи футболи «Кӯктош»-и ноҳияи Рӯдакӣ дар мизбонӣ бозӣ мекунад.
Ёдовар мешавем, ки 6 апрел бо бозии дастаҳои футболи «Хатлон»-и шаҳри Бохтар бо «Эсхата»-и шаҳри Хуҷанд ва «Ҳосилот»-и ноҳияи Фархор бо «Кӯктош»-и ноҳияи Рӯдакӣ даври дуюми Чемпионати Тоҷикистон оид ба футбол байни дастаҳои Лигаи олӣ ба анҷом расид.
Натиҷаи бозиҳои даври дуюм:
«Куктош» 0:3 «Ҳосилот»
«Хатлон» 0:2 «Эсхата»
КМВА 0:0 «Равшан»
«Хуҷанд» 2:2 «Регар-ТадАЗ»
«Истиқлол» 2:1 «Файзканд»
Бозиҳои даври сеюми Чемпионати Тоҷикистон оид ба футбол байни дастаҳои Лигаи олӣ 11-12 апрел баргузор мегарданд.
Бозиҳои даври дуюми Лигаи олӣ
11 апрел | 16:00
«Ҳосилот» – КМВА
«Файзканд» – «Кӯктош»
12 апрел | 16:00
«Регар-ТадАЗ» – «Истиқлол»
«Эсхата» – «Хуҷанд»
«Равшан» – «Хатлон»
АКС: Федератсияи футболи Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
