ҲИФЗИ ПИРЯХҲО — ОМИЛИ РУШДИ УСТУВОРИ ИҚТИСОДИЁТ. Бахшида ба он дар Донишгоҳи давлатии молия ва иқтисоди Тоҷикистон конференсияи ҷумҳуриявӣ баргузор шуд

Апрель 4, 2023 18:39

ДУШАНБЕ, 04.04.2023 /АМИТ «Ховар»/. «Ҳифзи пиряхҳо — омили рушди устувори иқтисодиёт»-таҳти чунин унвон дар Донишгоҳи давлатии молия ва иқтисоди Тоҷикистон бахшида ба Соли байналмилалии ҳифзи пиряхҳо конференсияи ҷумҳуриявии илмӣ-амалӣ баргузор шуд, хабар медиҳад АМИТ «Ховар» бо истинод ба донишгоҳи мазкур.

Дар ҷамъомад иброз гардид, ки «конференсия дар доираи нақшаи чорабиниҳои илмӣ-тадқиқотӣ доир шуда, мавзуи обу иқлим чун масъалаи муҳим дар сатҳи ҷаҳонӣ мавриди муҳокимаронӣ қарор гирифт. 22-24 март дар шаҳри Ню-Йорки ИМА Конфронси Созмони Милали Муттаҳид доир ба Шарҳи фарогири миёнамуҳлати ҳадафҳои Даҳсолаи байналмилалии амал «Об барои рушди устувор, солҳои 2018-2028» доир шуд, ки Президенти Ҷумҳурии Тоҷикистон муҳтарам Эмомалӣ Раҳмон ин чорабинии сатҳи баланди Созмони Милали Муттаҳидро роҳбарӣ намуданд, ки ин яке аз саҳифаҳои навин дар ҳаёти ҷумҳурӣ ба ҳисоб меравад».

Дар мавзуи «Таъсири тағйирёбии иқлим ба бехатарии захираҳои обӣ» маъруза ироа гардида, гуфта шуд, ки имрӯз инсоният ба мушкилоти ҷиддӣ — норасоии об ё нобаробар тақсим шудани ин неъмати табиӣ гирифтор шудааст. Мояи хушнудӣ ва сарфарозист, ки бо саъю талошҳои Пешвои миллат 14 декабри соли 2022 Маҷмаи Умумии Созмони Милали Муттаҳид соли 2025-ро Соли байналмилалии ҳифзи пиряхҳо ва 21 мартро Рӯзи ҷаҳонии пиряхҳо қабул кард.

Воқеан, қабули ин қатънома дар миқёси ҷаҳон иқдоми муҳим ва таърихӣ буда, тавассути он ҷомеаи ҷаҳонӣ имкон пайдо мекунад барои ҳифзи бузургтарин манбаъҳои оби ошомиданӣ тадбирҳои муштараки зарурӣ андешад.


Тазаккур дода шуд, ки 92 дарсади оби Тоҷикистон дар соҳаи кишоварзӣ мавриди истифода қарор мегирад. Дар мамлакат солҳои охир баландшавии ҳарорати ҳаво ба назар мерасад. Пиряхҳои аз ҳама устувор дар ҷумҳурии мо боқӣ мондаанд. Мутаассифона, солҳои охир аз сабаби зиёдшавии чангу ғубор обшавии пиряхҳо ба мушоҳида мерасад. Соли 2022 дар ҷумҳурӣ зиёда аз 10 маротиба чангу ғубор рух дод, ки ба он бетаъсир намонд.

Пешвои миллат муҳтарам Эмомалӣ Раҳмон борҳо дар суханрониҳои худ иброз намудаанд, ки «Тоҷикистон яке аз давлатҳои дорои захираҳои бузурги истеҳсоли неруи барқи аз ҷиҳати экологӣ тоза мебошад ва 98 фоизи барқ дар неругоҳҳои обӣ истеҳсол карда мешавад. Аз рӯйи ин нишондиҳанда, яъне фоизи истеҳсоли энергияи «сабз» мамлакати мо дар ҷаҳон ҷойи шашумро ишғол менамояд. Аз рӯйи кам будани ҳаҷми партовҳои газҳои гулхонаӣ низ Тоҷикистон дар яке аз ҷойҳои баландтарин қарор дорад».

Дар конференсия дар маҷмуъ 20 маърузаи илмӣ пешниҳод шуда, паҳлуҳои гуногуни ин масъала аз назари олимон ва муҳаққиқон баррасӣ гардид.

АКС: Донишгоҳи давлатии молия ва иқтисоди Тоҷикистон

Апрель 4, 2023 18:39

Хабарҳои дигари ин бахш

Имсол истифодаи «Барномаи биллингӣ» дар муассисаҳои таҳсилоти умумии ҷумҳурӣ амалӣ карда мешавад
Дар Душанбе тавсеаи ҳамкории Тоҷикистон ва Чин дар соҳаи маориф баррасӣ шуд
Вазири энергетика ва захираҳои оби Тоҷикистон: «Конфронси таърихии Созмони Милали Муттаҳид оид ба об ҷаҳонро атрофи масъалаи об муттаҳид намуд»
Масъалаи тавсеаи ҳамкории Тоҷикистон бо Аморати Муттаҳидаи Араб дар соҳаи обу энергетика дар Ню-Йорк баррасӣ гардид
Хонандагони тоҷик дар Олимпиадаи байналмилаии «STEM» соҳиби 5 ҷойи сеюм гардиданд
Дар шаҳри Истаравшан бинои таълимии ба номи Садриддин Айнӣ навсозӣ мегардад
ОМОДАГӢ БА СОЛИ НАВИ ХОНИШ. Имсол дар Тоҷикистон 138 муассисаи таҳсилоти умумӣ ва бинои иловагӣ ба истифода дода мешавад
Ҳамкории Тоҷикистон ва Барномаи рушди Созмони Милали Муттаҳид тақвият меёбад
Математикони ҷавони тоҷик дар Олимпиадаи байналмилалии «IMO» иштирок мекунанд
Ҳоким Холиқзода дар Форуми сиёсии сатҳи баланд оид ба рушди устувор дар Созмони Милали Муттаҳид иштирок намуд
Физикони ҷавони тоҷик барои иштирок дар Олимпиади байналмилалии «ISPHO» омодагӣ мегиранд
Ҳоким Холиқзода бо муовини якуми Дабири кулли Созмони Милали Муттаҳид Амина Муҳаммад мулоқот намуд