ҲИМОЯИ ВАТАН-ШАРАФИ ҶАВОНМАРДӢ. Хатмкунандагони Донишкадаи тарбияи ҷисмонии Тоҷикистон ба хизмати ҳарбӣ ҷалб гардиданд
ДУШАНБЕ, 25.04.2023. /АМИТ «Ховар»/. 24 апрел 150 нафар донишҷӯи курси чорум аз чор факултети Донишкадаи тарбияи ҷисмонии Тоҷикистон ба номи С.Раҳимов баъди муваффақона супоридани имтиҳони давлатӣ ба таври ихтиёрӣ ба хизмат дар сафи Қувваҳои Мусаллаҳ ҷалб карда шуд, хабар доданд ба АМИТ «Ховар» дар Донишкадаи мазкур.
Баъди супоридани имтиҳони давлатӣ роҳбарияти донишкада дар ҳузури устодон ибтикори наҷиби хатмкунандагонро дастгирӣ намуда, онҳоро ба хизмати ҷавонмардона ва софдилона барои ҳифзи Ватан даъват карданд.
Таъкид карда шуд, ки хизмат дар сафи Қувваҳои Мусаллаҳ қарзи шаҳрвандӣ ва мардонагии ҳар ҷавонмард буда, онро ҳар соҳибватан бо сари баланд ва мардонавор бояд иҷро намояд. Афсарону сарбозони Артиши миллӣ аз имтиҳони ҷиддии ҳаёт, мактаби мардонагӣ ва муборизаву набардҳои сангин сарбаландона гузашта, барои ҳифзи обу хоки сарзамини аҷдодӣ ва ҳимояи дастовардҳои истиқлол хизмати содиқонаву арзанда мекунанд.
Дар натиҷаи роҳандозии дурусти корҳои фаҳмондадиҳӣ ва мафкуравӣ аз ҷониби роҳбарият ва гурӯҳҳои таблиғотию ташвиқотии донишкада ба муносибати гусели гурӯҳи донишҷӯёни ватандӯсту шуҷоатманди диёр, ки ихтиёрӣ ва бо амри дилу виҷдон азми хизмати Модар — Ватан кардаанд, ҷамъомади ботантана баргузор гардид.
Гуфта шуд, ки имрӯз ҷавонони бонангу номуси мо хуб дарк мекунанд, ки хизмат ба Ватан нишонаи равшани эҳсоси ватандӯстӣ, дарки зарурат ва аҳамияти ҳимояи манфиатҳои давлат ва халқи мамлакат мебошад.
АКС: АМИТ «Ховар»
Дар Душанбе масоили таҳкими амният ва суботи Осиёи Марказӣ баррасӣ гардид
Дар Душанбе Форуми амниятии Осиёи Марказӣ оғоз гардид
Кибертерроризм — омилҳои таъсиррасон ва хатари он дар ҷаҳони муосир
Дар Душанбе Форуми амниятии Осиёи Марказӣ баргузор мешавад
Имрӯз дар Душанбе Вохӯрии сеюми котибони шуроҳои амнияти давлатҳои Осиёи Марказӣ баргузор гардид
Дар шаҳри Хоруғ даври вилоятии мусобиқаи «Ватанпарвар» баргузор гардид
«ШАҲРИ ҲУШМАНД». Дар Душанбе насби чароғакҳои замонавӣ оғоз гардид
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 89,1 фоиз иҷро шуд
Вазири корҳои дохилии Тоҷикистон дар Форуми байналмилалӣ доир ба мубориза бо маводи нашъаовар иштирок намуд
ПАСТ КАРДАНИ ХАВФИ ОФАТҲОИ ТАБИӢ. Беш аз 60 миллион сомонӣ барои ҳифзи минтақаҳои осебпазир ҷудо гардид
Дар Хатлон мубориза бар зидди зуҳуроти номатлубу хатарнок пурзӯр карда мешавад
ФАРЗАНДОНРО АЗ ТАҲСИЛ МАҲРУМ НАКУНЕД! Дар Душанбе беш аз 40 ҳолати монеъ шудан ба таҳсил ошкор карда шуд
