Ҳиндустон аз рӯи шумораи аҳолӣ аз Чин пеш гузашт
ДУШАНБЕ, 19.04.2023 /АМИТ «Ховар»/. Ҷумҳурии Ҳиндустон яке аз сераҳолитарин мамлакати дунё гардида, бо ин нишондиҳанда аз Чин пеш гузашт. Тавре «АЗЕРТАҶ» иттилоъ медиҳад, дар ин хусус нашрияи «MarketWatch» бо истинод ба таҳлили пешгӯиҳои СММ хабар додааст.
Мувофиқи маълумоти созмони мустақили «World Population Review», то 17 апрел дар ин давлат 1 425 937 441 (1 миллиарду 425 миллиону 937 ҳазору 441) нафар аҳолӣ дар муқоиса бо 1 425 744 008 (1 миллиарду 425 миллиону 744 008) нафар шаҳрванди Ҷумҳурии мардумии Чин зиндагӣ мекунад.
«MarketWatch» ишора мекунад, ки Ҳиндустон дорои иқтидори бузурги иқтисодӣ мебошад ва ин на танҳо ба шумораи аҳолӣ, балки ба таркиби он низ вобаста аст. Дар ҷумҳурӣ ба ҳар 100 нафар аҳолии қобили меҳнат 47 маъюб рост меояд, ҳол он ки 25 сол пеш ба ҳар 100 нафар аҳолии қобили меҳнат 68 маъюб рост меомад. То соли 2048 ин таносуб то ба 45 коҳиш ёфта, кишвар дар феҳристи давлатҳои дорои арзишҳои пасттарини ин нишондиҳанда аз ҷойи 43 ба зинаи 23-юм мебарояд.
Дар Чин ба ҳар 100 нафари аҳолии қобили меҳнат 45 маъюб рост меояд, аммо пас аз 25 сол ин рақам ба 68 нафар мерасад.
Ҳиндустон давраи ба истилоҳ дивидендҳои демографиро аз сар мегузаронад, ки ба он рушди иқтисодӣ дар пасманзари ҳиссаи ками аҳолии ғайри қобили меҳнат хос аст.
Моҳи январ Созмони омории «World Population Review» пешгӯӣ карда буд, ки Ҳиндустон метавонад соли 2023 аз ҷиҳати аҳолӣ аз Чин пеш гузарад.
Азиза ИКРОМ,
АМИТ «Ховар»
Акс: «АЗЕРТАҶ»
Тоҷикистон ва Чин ҳамкориро дар соҳаи ҳифзи ҳуқуқи инсон ва мубориза бар зидди терроризму экстремизм тақвият медиҳанд
Пагоҳ дар Кумита оид ба таҳсилоти ибтидоӣ ва миёнаи касбӣ, Кумитаи забон ва истилоҳот, Кумитаи дин, танзими анъана ва ҷашну маросим, Маркази миллии тестӣ, МД «Тоҷикфилм» ва Иттифоқи «Тоҷикматлубот» нишасти матбуотӣ баргузор мешавад
Дар шаҳри Бохтар ҳавзи шиноварӣ ба истифода дода шуд
Имрӯз дар баъзе минтақаҳои Тоҷикистон ҳаво то 45 дараҷа гарм мешавад
Имрӯз дар Кумитаи давлатии идораи замин ва геодезӣ, Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва КВД «Тоҷиксуғурта» нишасти матбуотӣ баргузор мешавад
Мусобиқаи ҷумҳуриявӣ аз намуди волейбол барои дарёфти Ҷоми Раиси ВМКБ бо пирӯзии дастаи Бадахшон 1 ба анҷом ёфт
Имрӯз дар Душанбе ҳаво то 43 дараҷа гарм мешавад
Дабири кулли СММ барои дар сатҳи ҷаҳонӣ мубориза бурдан бо гармои шадид даъват намуд
Аз 27 июл то 1 август дар Тоҷикистон чангу ғубор ва дар баъзе ноҳияҳо омадани сел пешгӯӣ мешавад
Дар «Роҳи оҳани Тоҷикистон» вохӯрии гурӯҳи корӣ бо занону духтарон доир шуд
