ПИРЯХҲОИ ТОҶИКИСТОН – МАНБАИ ОБҲОИ ЗУЛОЛИ ОСИЁИ МАРКАЗӢ. Дар Коллеҷи тиббии ноҳияи Бобоҷон Ғафуров конференсия доир шуд

ДУШАНБЕ, 08.04.2023 /АМИТ «Ховар»/. 6 апрел бахшида ба Соли байналмилалии ҳифзи пиряхҳо дар Коллеҷи тиббии ноҳияи Бобоҷон Ғафуров дар мавзуи «Пиряхҳои Тоҷикистон – манбаи обҳои зулоли Осиёи Марказӣ» Конференсияи илмӣ-амалӣ баргузор шуд,  хабар медиҳад АМИТ «Ховар» бо истинод ба Кумитаи ҳифзи муҳити зисти назди Хукумати Ҷумҳурии Тоҷикистон.

Конференсия тибқи нақшаи чорабиниҳои Кумитаи ҳифзи муҳити зист ҷиҳати эълон гаштани соли 2025 Соли байналмилалии ҳифзи пиряхҳо доир шуда, дар он коршиносони соҳа ва кормандони сохторҳои маҳаллӣ, устодону хонандагони коллеҷ иштирок намуданд.

Аз ҷониби иштирокдорон дар мавзуъҳои «Тоҷикистон – макони пиряхҳои бузург ва обҳои зулоли минтақаи Осиёи Марказӣ», «Ҳифзи пиряхҳо ва аҳамияти он дар ҷумҳурӣ», «Қадр кардани захираҳои табиат, саҳм гузоштан дар кам кардани таъсиррасонӣ ба табиат», тозагии маҳал ва соҳил, инчунин иҷрои бандҳои нақшаи чорабиниҳои «Барномаи маҷмуии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» маърузаҳо шунида шуд.

АКС: Кумитаи ҳифзи муҳити зисти назди Хукумати Ҷумҳурии Тоҷикистон