94,5 фоизи сокинони Ҷопон болоравии нархҳоро эҳсос карданд

ДУШАНБЕ, 02.05.2023 /АМИТ «Ховар»/. Аз рӯи назарсанҷие, ки чанде пеш Бонки Ҷопон гузаронид, дар умум 94,5 фоизи сокинони Ҷопон чунин мешуморанд, ки нархҳо нисбат ба соли гузашта боло рафтаанд ва ба гуфтаи 62,5 фоиз ин болоравии нархҳо «бисёр назаррас» аст, иттилоъ медиҳад  АМИТ «Ховар» бо истинод ба АИ  «Синхуа».

Пурсиши умумӣ аз 3 феврал то 1 март гузаронида шуда, дар он 1981 нафари 20-сола ва аз он боло иштирок намуд.

Дар мавриди вазъияти кунунии молиявии одамон бояд гуфт, ки 56 фоизи пурсидашудагон ҷавоб додаанд, ки “зиндагиашон мушкилтар гаштааст” ва ин паиҳам сеюм семоҳа аст, ки беш аз 50 фоизи иштирокчиён чунин мешуморанд.

Бештар аз нисфи пурсидашудагон дар се пурсиши охир иброз доштаанд, ки даромади онҳо бетағйир мондааст, ҳол он ки хароҷоташон тадриҷан боло рафтааст.

Пурсиш, ки ҳар се моҳ гузаронида мешавад, нишон дод, ки бештари пурсидашудагон хароҷоти худро барои маҳсулоти хӯрокворӣ, маҳсулоти мавриди ниёзи аввал ва воситаҳои электрикӣ зиёд кардаанд.

АКС аз манбаъҳои боз