АМАЛИЁТИ «СОҲИЛИ ТОЗА» ДАР ХОРУҒ. Он ба баланд бардоштани маърифати экологии наврасон равона гардидааст
ХОРУҒ, 17.05.2023. /АМИТ «Ховар»/. Ба хотири тоза нигоҳ доштани соҳили дарё ва баланд бардоштани маърифати экологии кӯдакону наврасон бо ибтикори шуъбаи ҳифзи муҳити зист ва шуъбаи маорифи шаҳри Хоруғи Вилояти Мухтори Кӯҳистони Бадахшон дар соҳили дарёи Панҷ амалиёти «Соҳили тоза» гузаронида шуд. Дар ин хусус мухбири минтақавии АМИТ «Ховар» Файз Мирасан хабар додааст.
Амалиёти муштараки «Соҳили тоза» бо иштироки хонандагони муассисаҳои таҳсилоти миёнаи умумии рақамҳои як ва ёздаҳ дар соҳили дарёи Панҷ гузаронида шуд.
Сардори шуъбаи ҳифзи муҳити зисти шаҳр Фирӯз Гулзоров гуфт, ки «Тоҷикистон бо табиати афсунгар, кӯҳҳои осмонбӯсу дарёҳои паҳну пурхурӯш, ҳавзҳову чашмаҳои мусаффову шифобахш ҳамеша мавриди таваҷҷуҳи олимону сайёҳони ҷаҳон қарор дорад. Яке аз калонтарин дарёҳои Тоҷикистон- ин дарёи Панҷ аст, ки аз дарёҳои Помиру Вахон сарчашма мегирад. Дарозии он зиёда аз 900 километр буда, суръати ҳаракати он дар як сония то ба ҳазор метр мерасад. Аз ҳама муҳим, дар қад-қади ин дарё садҳо кӯдакону наврасон ба оббозӣ мешғул мешаванд ва оби онро истеъмол мекунанд. Аз ин рӯ тозаву озода нигоҳ доштани соҳили дарё яке аз вазифаҳои муҳими ҳар сокини болооби он ба шумор меравад. Ҷалби кӯдакону наврасон ба баргузории ин ташаббус ба баланд бардоштани маърифати экологии онҳо равона гардидааст, то минбаъд ин анъана аз насл ба насл интиқол ёбад».
Сардори Раёсати муҳити зисти вилоят Мулкамон Назаралиев гуфт, ки «дар ҳамкорӣ бо муассисаҳои таълимии ноҳияҳои вилоят чунин амалиётро аз саргаҳи дарёи Панҷ, яъне водии Вахон то ноҳияи Дарвоз баргузор намуда, соҳили ин дарёро аз ҳар гуна ахлоту партовҳои маишӣ ва маводи пластикӣ тоза мекунем. Ин гуна ташаббус имконият фароҳам меорад, ки Бадахшон ба яке аз бузургтарин минтақаҳои сайёҳии Тоҷикистон табдил ёбад ва барои саёҳати бофароғати гардишгарони ватанию хориҷӣ заминаи мусоид ба вуҷуд ояд».
Раёсати ҳифзи муҳити зист бо гузаронидани ин гуна амалиёт талош меварзад, ки тозаву покиза нигоҳ доштани муҳити атроф ба кори доимии сокинони шаҳру ноҳияҳои вилоят мубаддал гардад.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
