ЧЕМПИОНАТИ ҶАҲОН ОИД БА БОКС. Се муштзани тоҷик ба даври дуюм роҳ ёфт
ДУШАНБЕ, 03.05.2023 /АМИТ «Ховар»/. Чемпионати ҷаҳон оид ба бокс дар Тошканд (Узбекистон) идома дорад. Рӯзи гузашта дар ин чемпионат Тоҷикистонро чаҳор муштзан — Парвиз Каримов (86 кг), Баҳодур Усмонов (63,5 кг), Некрӯз Салимов (75 кг) ва Шаббос Неъматуллоев (80 кг) муаррифӣ намуданд. Дар ин хусус АМИТ «Ховар» бо истинод ба сомонаи расмии Федератсияи байналмилалии бокс хабар медиҳад.
Дар вазни 86 кг Парвиз Каримов бо ҳисоби 5:0 бар муштзани эронӣ Амин Маҷнунӣ зафар ёфта, дар вазни 63,5 кг бо ҳамин ҳисоб Баҳодур Усмонов муштзани танзанӣ Алекс Исенди Мишелро мағлуб намуд
Илова бар ин Некрӯз Салимов дар вазни 75 кг дар даври аввал муштзани Ҷазираҳои Комор Мдахома Муҳаммадро мағлуб намуд.
Муштзани дигари тоҷик Шаббос Неъматуллоев дар вазни 80 кг бо қарори ҷудогонаи доварон бо ҳисоби 1:4 аз муштзани озарбойҷонӣ Мурод Аллоҳвердиев мағлуб шуд
Имрӯз Абубакр Муродзода дар вазни 60 кг бо Дониёл Шоҳбахш ва Довуд Маҳкамов дар вазни 71 кг бо Максим Пилипек рақобат мекунанд.
Фонди умумии ҷоизавии Чемпионати ҷаҳон оид ба бокс миёни мардон 5,2 млн долларро ташкил медиҳад. Ғолибони ҷойҳои аввал дар ҳама намуди вазнҳо соҳиби 200 000 доллар, ҷойи дуюм 100 000 доллар ва ҷойи сеюм 50 000 доллар мешаванд.
АКС: Федератсияи байналмилалии бокс
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
