ЧЕМПИОНАТИ CAFA-2023. Бозиҳои даври сеюм 24 май баргузор мешаванд
ДУШАНБЕ, 23.05.2023 /АМИТ «Ховар»/. 22 май бозиҳои даври дуюми Чемпионати чаҳоруми Ассотсиатсияи футболи Осиёи Марказӣ байни дастаҳои мунтахаби ҷавонони то 20-сола дар шаҳрҳои Душанбе ва Турсунзода доир шуд. Дастаи мунтахаби то 17-солаи Тоҷикистон дар варзишгоҳи «Талко Арена»-и шаҳри Турсунзода бо дастаи мунтахаби то 20-солаи Афғонистон мусовӣ: 1 бар 1 бозӣ кард. Ҳар ду даста дар ин бозӣ соҳиби якимтиёзӣ гардид. Дастаи мунтахаби то 20-солаи Афғонистон, ки дар бозии аввал ба муқобили дастаи мунтахаби то 20-солаи Туркманистон бо ҳисоби 2:1 зафар ёфта буд, шумораи имтиёзҳояшро ба 4 адад расонид. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Дар бозии дигар дастаи мунтахаби то 17-солаи Узбекистон бо ҳисоби калони 9 бар 2 ба муқобили дастаи мунтахаби Туркманистон ғолиб омад. Дар бозии аввал дастаи мунтахаби Узбекистон бо ҳисоби 3 бар 2 ба муқобили дастаи мунтахаби Эрон пирӯзӣ ба даст оварда буд.
Қобили тазаккур аст, ки пас аз бозиҳои даври дуюм дастаи мунтахаби то 17-солаи Узбекистон бо касби 6 имтиёз дар садри ҷадвали мусобиқот ҷойгир аст. Дастаи мунтахаби Афғонистон бо 4 имтиёз дар зинаи дуюм ва дастаи мунтахаби Тоҷикистон бо 1 имтиёз дар зинаи сеюм мавқеъ гирифтаанд.
Бозиҳои даври сеюми чемпионати CAFA-2023 24 май баргузор мешаванд.
Дастаи мунтахаби то 17-солаи Тоҷикистон бо дастаи мунтахаби Туркманистон вомехӯрад. Ин бозӣ дар варзишгоҳи «Талко Арена»-и шаҳри Турсунзода баргузор шуда, соати 17:00 оғоз мегардад.
Дар баробари ин, дар варзишгоҳи КМВА-и Душанбе бозии дастаҳои мунтахаби Эрон ва Афғонистон доир мегардад.
АКС: Федератсияи футболи Тоҷикистон
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
