ЧЕМПИОНАТИ ТОҶИКИСТОН ОИД БА ФУТБОЛ. Дар байни дастаҳои Лигаи олӣ ғолибони бозиҳои даври нуҳум муайян шуд
ДУШАНБЕ, 17.05.2023 /АМИТ «Ховар»/. Бозиҳои даври нуҳуми Чемпионати Тоҷикистон байни дастаҳои Лигаи олӣ дар варзишгоҳои мамлакат хеле ҷолиб баргузор гардиданд. Дар ин давр 4 гол ба нишон расонида шуд. Дар ин даври мусобиқа пешсафони ҷадвали мусобиқот-дастаҳои футболи «Истиқлол»-и шаҳри Душанбе ва «Эсхата»-и шаҳри Душанбе ғалаба карданд. Дар ин хусус шореҳи варзиши АМИТ «Ховар» хабар медиҳад.
Дастаи футболи «Файзканд»-и ноҳияи Восеъ бо «Равшан»-и шаҳри Кӯлоб дар ноҳияи Рӯдакӣ мусовӣ бозӣ кард. Дастаҳои КМВА-и шаҳри Душанбе ва «Регар-ТадАЗ»-и шаҳри Турсунзода дар шаҳри Душанбе баъди бозӣ имтиёзҳоро тақсим карданд. Дастаи футболи «Хуҷанд»-и шаҳри Хуҷанд бохти дуюми пайиҳамро бо омадани сармураббии нав Нуъмон Ҳасанов ба қайд гирифт. Ин навбат дастаи футболи «Хатлон»-и шаҳри Бохтар онро мағлуб кард.
Баъди натиҷагирии даври 9-уми Чемпионати Тоҷикистон оид ба футбол байни дастаҳои Лигаи олӣ дастаҳои футболи «Истиқлол»-и шаҳри Душанбе бо 17 имтиёз ва «Эсхата»-и шаҳри Хуҷанд бо 16 имтиёз садрнишини ҷадвали мусобиқот мебошанд. Дастаҳои футболи «Хатлон»-и шаҳри Бохтар, «Равшан»-и шаҳри Кӯлоб ва «Файзканд»-и ноҳияи Восеъ мутаносибан дар зинаҳои баъдӣ ҷой гирифтаанд. Дастаҳои футболи «Ҳосилот»-и ноҳияи Фархор ва «Регар-ТадАЗ»-и шаҳри Турсунзода 9- имтиёзӣ дошта, пас аз онҳо дастаҳои КМВА-и шаҳри Душанбе, «Кӯктош»-и ноҳияи Рӯдакӣ ва «Хуҷанд»-и шаҳри Хуҷанд дар поёни ҷадвали мусобиқа ҷойгиранд.
Натиҷаи бозиҳо дар ҷадвали Чемпионати Тоҷикистон байни дастаҳои Лигаи олӣ
| Б | Ғ | М | Б | Г-Г | Х | ||
| 1 | «Истиклол» (Душанбе) | 8 | 5 | 2 | 1 | 15-3 | 17 |
| 2 | «Эсхата» (Хуҷанд) | 8 | 5 | 1 | 2 | 9-5 | 16 |
| 3 | «Хатлон» (Бохтар) | 8 | 4 | 0 | 4 | 7-14 | 12 |
| 4 | «Равшан» (Кӯлоб) | 8 | 2 | 5 | 1 | 6-4 | 11 |
| 5 | «Файзканд» (Восеъ) | 8 | 2 | 4 | 2 | 13-10 | 10 |
| 6 | «Ҳосилот» (Фархор) | 8 | 2 | 3 | 3 | 7-7 | 9 |
| 7 | «Регар-ТадАЗ» (Турсунзада ) | 8 | 2 | 3 | 3 | 10-11 | 9 |
| 8 | КМВА (Душанбе) | 8 | 1 | 5 | 2 | 5-6 | 8 |
| 9 | «Куктош» (Рӯдакӣ) | 8 | 2 | 1 | 5 | 9-14 | 7 |
| 10 | «Хуҷанд» (Хуҷанд) | 8 | 1 | 4 | 3 | 6-13 | 7 |
Бозиҳои даври даҳуми Лигаи олӣ
18 май
Вақти бозиҳо соати 17:00
«Эсхата» – «Кӯктош»
«Регар-ТадАЗ» – КМВА
19 май
Вақти бозиҳо соати 17:00
«Равшан» – «Файзканд»
«Хуҷанд» – «Хатлон»
19 май
Вақти бозиҳо соати 18:30
«Истиқлол» – «Ҳосилот»
АКС: Федератсияи футболи Тоҷикистон
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
