Дар Чин аз минтақаи заминларза дар музофоти Юннан 11 ҳазор нафар кӯчонида шуд
ДУШАНБЕ, 03.05.023 /АМИТ «Ховар»/. Мақомоти Ҷумҳурии Мардумии Чин тақрибан 11 ҳазор нафарро аз минтақаи зилзила дар шаҳри Баошани музофоти Юннан дар ҷанубу ғарби кишвар ба ҷойи дигар кӯчониданд. Тавре АМИТ «Ховар» бо истинод ба ТАСС иттилоъ медиҳад, дар ин хусус рӯзи чоршанбе рӯзномаи «Синтсзинбао» бо истинод ба ситоди маҳаллӣ оид ба пешгирӣ ва рафъи оқибатҳои офатҳои табиӣ хабар додааст.
Ба амалиёти наҷот 2,4 ҳазор нафар одам ҷалб карда шуд. Тибқи ҳисобҳои пешакӣ, дар натиҷаи заминларза тақрибан 2,8 ҳазор бино осеб дидааст.
Мақомоти салоҳиятдор барои таъмини амнияти 38 ҳазор нафар тадбирҳои фаврӣ андешид. Барои онҳо 34 сарпаноҳи муваққатӣ ташкил карда шудааст.
Мувофиқи маълумоти пешакӣ, дар натиҷаи заминларза касе ҳалок нашудааст. Се нафар ҷароҳати сабук бардошта, ба наздиктарин беморхона интиқол ёфт.
Тавре маркази зилзилашиносии Аврупо ва Баҳри Миёназамин иттилоъ дод, рӯзи сешанбе дар километри 35-уми самти шимолу шарқи шаҳри Баошан, ки қариб 935 000 нафар аҳолӣ дорад, заминларза бо шиддати 5,3 дараҷа ба амал омад. Маркази он дар умқи 40 километр воқеъ буд.
Азиза ИКРОМ,
АМИТ «Ховар»
АКС аз манбаъҳои боз
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
