Дар Донишгоҳи давлатии Кӯлоб оид ба ҷаҳонбинии нави иттилоотӣ конфронси ҷумҳуриявӣ баргузор шуд

КӮЛОБ, 30.05.2023 /АМИТ «Ховар»/. 27 май дар Донишгоҳи давлатии Кӯлоб ба номи Абуабдуллоҳи Рӯдакӣ дар мавзуи «Масъалаи ташаккули ҷаҳонбинии нави иттилоотӣ дар фалсафа ва илми муосир» конфронси ҷумҳуриявии илмӣ — назариявӣ баргузор гардид. Дар ин хусус ба мухбири минтақавии АМИТ «Ховар»  дар Донишгоҳи мазкур иттилоъ доданд. 

Пеш аз оғози конфронс намоиши асарҳои Пешвои миллат ва дастовардҳои омӯзгорони донишгоҳ ба роҳ монда шуд.

Дар ҷаласаи ифтитоҳии конфронс доир ба бузургтарин дастовардҳои давлату ҳукумати мамлакат, саҳми мардуми шарифи тоҷик дар бунёдкориҳо ва муваффақияти донишгоҳ ёдоварӣ карда шуд.

Дар ҷараёни конфронс дар мавзуъҳои «Фалсафаи иттилоот: ҳолат ва дурнамо», «Илм дар асри XXI: проблемаҳо, андешаҳо ва моделҳои илмӣ», «Фалсафаи таҳсилоти муосир», «Ҷанги сард ва амнияти иттилоотӣ дар замони муосир», «Иттилоот ҳамчун проблемаи глобалӣ»  ва «Ҷаҳонишавӣ — зуҳуроти иҷтимоӣ ва бархурди он ба арзишҳои миллӣ» (ондайнӣ) маъруза карда шуд.

Пас аз ҷамъбаст кори конфронс дар ду бахш: «Иттилоот ва ҷаҳонбинӣ» ва «Нақши ҷаҳонбинии нави иттилоотӣ» идома ёфт.

АКС: Донишгоҳи давлатии Кӯлоб