Дар Душанбе бори аввал ниммарафони байналмилалии Оne Run баргузор мешавад
ДУШАНБЕ, 30.05.2023 /АМИТ «Ховар»/. Дар пойтахти Тоҷикистон — шаҳри Душанбе бори нахуст ниммарафони байналмилалии One Run гузаронида мешавад. Дар ин хусус АМИТ «Ховар» бо истинод ба Федератсияи варзиши сабуки Ҷумҳурии Тоҷикистон иттилоъ медиҳад.
Мусобиқа бо дастгирии Мақомоти иҷроияи ҳокимияти давлатии шаҳри Душанбе, Кумитаи кор бо ҷавонон ва варзиш, Федератсияи варзиши сабуки ҷумҳурӣ ва «Лигаи Қаҳрамонон»-и Русия баргузор мегардад.
Дар дави байналмиллалӣ, ки рӯзи якшанбе, 4 июн доир мешавад, қариб 1000 нафар иштирок хоҳад кард.
Ба гуфтаи созмондиҳандагон, он дар чаҳор масофа — 1, 5, 10 ё 21,1 километр баргузор мегардад. Оғози мусобиқа аз ипподроми «Наврӯзгоҳ» ба нақша гирифта шудааст.
Маълум аст, ки дилхоҳ хоҳишманд метавонад иштирокчии ниммарафон шавад. Барои ин шумо бояд худро пешакӣ дар сомонаи — https://heroleague.ru/calendar сабти ном кунед.
Қобили тазаккур аст, ки чунин дав ҳамзамон соати 09:00 ба вақти Москва дар чанд кишвари Осиёи Марказӣ оғоз мешавад. Нахустин бор ба ин мусобиқа дар баробари Тоҷикистон давлатҳои дигар, аз ҷумла Чин, Беларус, Арманистон ва Қирғизистон низ ҳамроҳ шуданд.
Дар маҷмуъ, тақрибан 160 ҳазор нафар ба оғози ниммарафони байналмилалӣ мебароянд.
Пайрави ҚОСИМ,
Азиза ИКРОМ,
АМИТ «Ховар»
АКС: Федератсияи варзиши сабуки Ҷумҳурии Тоҷикистон
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
