Дар Душанбе масъалаи баланд бардоштани рақобатпазирии иқтисоди миллӣ баррасӣ карда шуд
ДУШАНБЕ, 17.05.2023 /АМИТ «Ховар»/. Дирӯз муовини якуми Вазири рушди иқтисод ва савдо Ашӯрбой Солеҳзода бо ҳайати расмии Бонки ҷаҳонӣ таҳти роҳбарии Директори минтақавии рушди одилона, молия ва муассисаҳо хонум Лалита Мурти мулоқот намуд, ки зимни он масъалаи баланд бардоштани рақобатпазирии иқтисоди миллӣ мавриди баррасӣ қарор гирифт, хабар медиҳад АМИТ «Ховар» бо истинод ба Вазорати рушди иқтисод.
Гуфта шуд, ки таҳти сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамкории мутақобилан судманд бо Бонки ҷаҳонӣ сол то сол рушд карда, ба сатҳи сифатан нав баромадааст.
Зимни вохӯрӣ ҳамзамон масъалаҳои таъмини рушди устувор ва суръатноки иқтисодӣ, расидан ба ҳадафҳои стратегӣ ва кам намудани вобастагии мамлакат аз омилҳои берунӣ муҳокима карда шуд.
Дар анҷоми вохӯрӣ ҷонибҳо омодагии худро барои дар сатҳи баланд баргузор намудани 30-солагии ҳамкорӣ байни Ҷумҳурии Тоҷикстон ва Бонки ҷаҳонӣ, ки моҳи июни имсол дар назар аст ва боз ҳам густариш додани ҳамкории мутақобилан судманд баён намуданд.
АКС: Вазорати рушди иқтисод ва савдои Ҷумҳурии Тоҷикистон
Дар самти шарқии шаҳри Душанбе зеристгоҳи нави барқии 220 кВ сохта мешавад
Дар Душанбе ҳамоиши картошкапарварон ва намоиш-фурӯши картошка баргузор мегардад
Густариши ҳамкории иқтисодию тиҷоратии Тоҷикистону Олмон баррасӣ гардид
Дар Тоҷикистон ҳамоиши картошкапарварон баргузор мешавад
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
