Дар Хатлон бо иштироки беш аз 700 намояндаи насли ҷавон мулоқот доир гардид

Май 22, 2023 15:59

ДУШАНБЕ, 22.05.2023. /АМИТ «Ховар»/. Дар Кохи фарҳанги шаҳри Бохтар ба муносибати Рӯзи ҷавонони Тоҷикистон мулоқоти Раиси вилояти Хатлон Давлаталӣ Саид бо беш аз 700 намояндаи ҷавонони вилоят доир шуд. Зимни он ба беш аз 40 ҷавони фаъол «Ифтихорнома», «Сипоснома» ва мукофот тақдим гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.

Роҳбари вилоят иброз дошт, ки Ҳукумати мамлакат бо дарназардошти саҳм ва нақши ҷавонон дар ҳаёти ҷомеа ва давлат барои дастгирӣ ва ҳавасмандгардонии онҳо то ба имрӯз аз тамоми имкониятҳо истифода бурда истодааст.

«Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста ба насли ояндасози мамлакат таъкид менамоянд, ки «Ватанро сидқан ва самимона дӯст доштан, бо он ифтихор кардан, барои ҳимояи он омода будан, ба қадри истиқлолу озодӣ, сулҳу оромӣ, суботи сиёсӣ ва ваҳдати миллӣ расидан, шукронаи соҳибватаниву соҳибдавлатӣ ва эҳтироми падару модарро ба ҷо овардан аз ҷумлаи арзишҳое мебошанд, ки ҳар як ҷавон бояд ин арзишҳоро дастури зиндагии ҳаррӯзаи худ қарор диҳад»,- тазаккур дод номбурда.

Мавсуф таъкид намуд, ки дар ҳақиқат, ҷавонони бонангу номуси вилояти Хатлон ба мактаби бузурги ватандӯстӣ, худшиносию худогоҳӣ ва ҷавонмардию созандагии Роҳбари давлат пайравӣ карда, дар ҳимояи марзу буми мамлакат, арзишҳои миллию давлатдорӣ ва ободонии меҳан саҳми шоиста гузошта истодаанд.

Дар мулоқот иброз гардид, ки Пешвои миллат муҳтарам Эмомалӣ Раҳмон нисбат ба масъалаи ҷавонон, аз ҷумла беҳдошти вазъи таълиму тарбия, соҳибихтисосу соҳибкасб гардидани онҳо ва мавқеи махсус пайдо намудани ин насл дар ҷомеа диққати аввалиндараҷа зоҳир намуда, пайваста ташаббусу иқдомҳои неку созандаи ҷавононро дастгирӣ менамоянд.

«Дар замоне, ки технологияи муосир бо суръати кайҳонӣ рушд мекунад, ҷалби ҷавонон ба донишомӯзӣ аз масъалаҳои муҳим ба ҳисоб меравад. Дар ин самт аз ҷониби Давлату Ҳукумати Тоҷикистон шароити муносиби таҳсилу кор фароҳам оварда мешавад», -гуфта шуд зимни ҳамоиш.

Изҳор гардид, ки танҳо ҷавонони донишманд ва соҳибмаърифат метавонанд ҳадафмандона бори нанги ватандориро бар дӯш гирифта, бо дониши қавӣ ва илму фарҳанг дар арсаи байналмилалӣ давлати соҳибистиқлоламонро ба таври шоиста муаррифӣ намоянд.

Маҳз ҷавонони фозилу хушахлоқ, дорои фарҳанги баланд ва ватандори асил ояндаи неки давлату миллати моро хоҳанд сохт ва чунин ҷавонон бо мавқеи устувори шаҳрвандиашон ба муқобили ҳама гуна ҳуҷумҳои иттилоотиву ғаразбори бадхоҳони миллат муқовимати қавӣ нишон медиҳанд.

Таъкид шуд, ки ҷавонони матиниродаи вилояти Хатлон дар сангарҳои вазнин барои ҳимояи ҳар ваҷаб хоки сарзамини аҷдодӣ ҷонфидоӣ карда, шарафу номуси халқу Ватанро ҳифз намуданд. Онҳо ному корномаи худро дар дафтари таърихи миллат ҷовидонӣ сабт сохтанд. Корнамоию қаҳрамонӣ ва ҷоннисорию худфидоии онҳо ҳеҷ гоҳ аз хотирҳо фаромӯш намешавад ва ватандӯстии онҳо ҳамчун мактаби амалии тарбияи насли наврасу ҷавон хизмат хоҳад кард.

Роҳбари вилоят ҳамзамон ба волидайни қаҳрамонони Ватан, ки ҳангоми ҳифзи марзу бум ва адои вазифаҳои хизматӣ далерию шуҷоатмандӣ нишон додаанд, изҳори сипос намуд.

Гуфта шуд, ки матонату иродат ва садоқатмандии ин ҷавонон дар ҳифзи Ватан дар саросари вилоят ба ҳамаи насли наврас омӯзонида шавад, то ин ки тухми муҳаббат ба ватану дӯстдории ин хоки муқаддаси аҷдодиро дар қалбашон бикорад.

Дар идомаи вохӯрӣ барномаи рангини фарҳангӣ баргузор гардид.

АКС: Мақомоти иҷроияи ҳокимияти давлатии вилояти Хатлон

 

Май 22, 2023 15:59

Хабарҳои дигари ин бахш

Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
СИРДАРЁ МУТТАҲИД МЕНАМОЯД. Дар Гулистон Форуми сеюми ҷавонони ҳавзаи дарёи Сир – 2025 баргузор мегардад
ГРАНТИ ПРЕЗИДЕНТӢ. Ба 200 нафар занон — ғолибони лоиҳаҳои гранти президентӣ дар соли 2025 Диплом супорида шуд
Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бо Вазорати маорифи Русия Ёддошти тафоҳум ба имзо расонд
Ёддошти тафоҳуми ҳамкорӣ байни Ваколатдор оид ба ҳуқуқи инсон дар Ҷумҳурии Тоҷикистон ва Кумитаи миллӣ оид ба ҳуқуқи инсони Давлати Қатар ба имзо расид
Дар Хуҷанд доир ба баланд бардоштани маърифати ҳуқуқии ҷавонон ҳамоиш баргузор гардид
Татяна Москалкова бо мақомоти Ваколатдор оид ба ҳуқуқи инсон дар Ҷумҳурии Тоҷикистон шинос шуд
Байни вазоратҳои тандурустии Тоҷикистон ва Русия Харитаи роҳ барои солҳои 2026-2027 ба имзо расид