Дар пойтахт «Ҳафтаи кӯдакон ва наврасони шаҳри Душанбе» оғоз гардид
ДУШАНБЕ, 26.05.2023. /АМИТ «Ховар»/. Имрӯз бахшида ба Рӯзи байналмилалии ҳифзи кӯдакон дар пойтахт «Ҳафтаи кӯдакон ва наврасони шаҳри Душанбе» оғоз гардид. Дар доираи он бо иштироки намояндагони Мақомоти иҷроияи ҳокимияти давлатии шаҳри Душанбе, роҳбарони сохторҳои дахлдори шаҳрдорӣ дар майдони «Дӯстӣ»-и шаҳри Душанбе маросими гулгузорӣ дар пояи муҷассамаи аввалин асосгузори давлати тоҷикон Шоҳ Исмоили Сомонӣ баргузор шуд. Дар ин хусус ба АМИТ «Ховар» дар «Маркази кӯдакону наврасони шаҳри Душанбе» хабар доданд.
Иттилоъ дода шуд, ки ҳафтаи мазкур аз 26 май то 1 июн идома ёфта, дар доираи ҳафтаи эълонгардида ташкилу баргузории барномаи фарҳангӣ ва маросими ҳавасмандгардонии ғолибони Фестивал – озмуни истеъдодҳои навраси шаҳри Душанбе «Шукуфаҳои пойтахт», рӯйнамоии маҷмуаи шеъру ҳикояҳои иширокчиёни Форуми дуюми навқаламон ва эҷодкорони навраси шаҳри Душанбе «Килки сабз» ва мизи мудаввар дар мавзӯи «Душанбе – шаҳри имконоти рушди кӯдакон» дар назар дошта шудааст.
Ҳамзамон дар доираи ин ҳафта мусобиқаҳои варзишӣ, аз қабили волейбол, футболи хурд, шоҳмоту шашка, озмунҳои мусаввири беҳтарин, аксияҳои таблиғотии дастаҳои ихтиёрии «Патрулони сабз» ва «Нозирони навраси ҳаракати роҳ», саёҳати пиёдагардӣ, барномаҳои фарҳангии сайёр барои таълимгирандагони мактаб – интернатҳои ҳудуди пойтахт ва ғайра ба нақша гирифта шудаанд.
Таъкид шуд, ки «Ҳафтаи кӯдакон ва наврасони шаҳри Душанбе» 1 июни соли 2023 дар Рӯзи байналмилалии ҳифзи кӯдакон бо баргузории намоишу ҳунару эҷод, бозиҳои фароғативу дилхушкунанда ва барномаи бошукӯҳи фарҳангӣ дар Боғи кӯдакони пойтахт натиҷагирӣ ва ҷамъбаст карда мешавад.
АКС: «Маркази кӯдакону наврасони шаҳри Душанбе»
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
