Дар шаҳри Хуҷанд Мусобиқаи кушоди шаҳрӣ оид ба заврақронӣ байни наврасону ҷавонон доир гардид

ДУШАНБЕ, 21.05.2023. /АМИТ «Ховар»/. Бахшида ба Рўзи ҷавонони Тоҷикистон дар шаҳри Хуҷанд Мусобиқаи кушоди шаҳрӣ оид ба заврақронӣ байни наврасони солҳои таваллудашон 2006-2008, 2009 ва хурд оғоз гардид, хабар доданд ба АМИТ «Ховар» дар Хадамоти матбуоти Раиси шаҳри Хуҷанд.

Мусобиқа дар дарёи «Сир»-и шаҳр гузаронида шуда, дар он зиёда аз 80 мухлиси ин намуди варзиш иштирок ва байни ҳам қувваозмоӣ намуд.

Мусобиқа тибқи қоидаҳои амалкунандаи Федератсияи байналмилалии заврақронӣ доир гардида, дар масофаҳои К-1 200м, К-1 500м, К-1 1000м, С-1 200м, С-1 500, С-1 1000м ва масофаҳои К-2 500м, 1000м, С-2 500м,1000м байни духтарон ва писарон аз рўи барномаи ВП-1 гузаронида шуд.

Мақсад аз баргузори мусобиқа- тарбияи ватандӯстии ҷавонон, тарғиби тарбияи ҷисмонӣ ва варзиш, рушди қаиқронӣ, ҷалби бештари омма ба ин намуд, мустаҳкам намудани дӯстӣ байни варзишгарон ва пешгирии омилҳои номатлуб байни ҷавонон ба ҳисоб меравад.

АКС: Хадамоти матбуоти Раиси шаҳри Хуҷанд