Дастаи клуби «Ҳоҷӣ Шариф» ба финали Лигаи минтақавии ҷудо роҳ ёфт

Май 8, 2023 18:41

ДУШАНБЕ, 08.05.2023 /АМИТ «Ховар»/. 6 май дар Маҷмааи варзишии «Игоровой»-и шаҳри Москваи Федератсияи Русия марҳилаи дуюми мусобиқаи байналмилалӣ — «Лигаи минтақавии ҷудо» байни дастаҳои мардона баргузор шуд, ки дар он дастаи клуби «Ҳоҷӣ Шариф» (Тоҷикистон) иштирок намуда ба финал роҳ ёфт. Дар ин хусус ба АМИТ «Ховар» дар Федератсияи ҷудои Тоҷикистон хабар доданд.

Дар марҳилаи дуюм 16 даста дар чор гурӯҳ барои ҳашт роҳхат ба финал рақобат карданд. Клуби ҷудои «Ҳоҷӣ Шариф» дар як гурӯҳ бо клубҳои «Урал-Сибири Ғарбӣ» (Екатеринбург), «Турбостроител» (Санкт Петербург) ва «Jenys» (Қазоқистон) сабқат карда, ҷои дуюмро ишғол намуд ва ба финали Лигаи минтақавии ҷудо роҳ ёфт.

Ба ҳайати дасати Клуби ҷудои «Ҳоҷӣ Шариф» 8 варзишгар шомил буданд:

-66кг – Фирӯз Мелибойзода / Обид Ҷебов

-73кг – Абубакр Шеров / Муҳаммадшариф Наҷмиддинов

-81кг – Муҳаммадҷон Абдуҷалилзода

-90кг – Ҳақназар Назаров

+90кг – Шакармамад Мирмамадов / Мансур Раҳмон

Варзишгарони мо дар се рақобат бар дастаҳои «Турбостроител» ва «Jenys» ғалаба карда, аз дастаи «Урал-Сибири Ғарбӣ», ки дар гурӯҳ ҷои аввалро гирифт, шикаст хурд.

Дар Лига дар маҷмӯъ 24 дастаи пурқувват аз Русия, Беларус, Қазоқистон, Сербия, Эрон, Тоҷикистон ва Ҳиндустон иштирок  доштанд ва аз миёни дастаҳои хориҷӣ танҳо Клуби «Ҳоҷӣ Шариф» ба финал роҳ ёфт.

Марҳилаи ниҳоӣ 8 июл дар назар аст, ки дар он 8 дастаи беҳтарин барои 6 миллион рубл тибқи «системаи олимпӣ» — бидуни набардҳои такрорӣ мубориза мебаранд.

АКС: Федератсияи ҷудои Тоҷикистон

Май 8, 2023 18:41

Хабарҳои дигари ин бахш

«ANTALYA GRAND SLAM-2024». Ҷудочии тоҷик Эмомалӣ Нуралӣ ба финал баромад
Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд