Имрӯз дар Тоҷикистон баланд шудани ҳолати ифлосшавии ҳавои атмосфера дар назар аст

ДУШАНБЕ, 12.05.2023 /АМИТ «Ховар»/. Имрӯз бо сабаби омилҳои метеорологӣ — чангбоде, ки аз самти минтақаҳои ҷанубу ғарбӣ ба ҷумҳурӣ ворид мегардад, дар ноҳияҳои ҷанубӣ ва марказии вилояти Хатлон, ноҳияҳои минтақаи Кӯлоб, ноҳияҳои тобеи ҷумҳурӣ ва шаҳри Душанбе эҳтимоли баланд шудани ҳолати ифлосшавии ҳавои атмосфера дар назар аст, иттилоъ доданд ба АМИТ «Ховар» дар Агентии обуҳавошиносии Тоҷикистон.

Дар Вилояти Мухтори Кӯҳистони Бадахшон ҳавои тағйирёбандаи бебориш пешгӯӣ мешавад. Шамол аз самти ғарб 4-9 метр дар як сония мевазад. Ҳаво дар ғарби вилоят шабона 4+9 дараҷа гарм ва рӯзона 20+15 дараҷа гарм мешавад. Дар шарқи вилоят шабона 3-8 дараҷа хунук, рӯзона 7+12 дараҷа гарм мешавад.

Дар вилояти Суғд ҳавои тағйирёбанда, шабона бебориш пешгӯӣ шуда, рӯзона дар баъзе ноҳияҳо борони кӯтоҳмуддат ва эҳтимол раъду барқ ба амал ояд. Ҳаво дар водиҳо шабона 16+21 дараҷа гарм, рӯзона 26+31 дараҷа гарм, дар ноҳияҳои кӯҳӣ шабона 4+9  ва рӯзона 15+20 дараҷа гарм мешавад.

Дар вилояти Хатлон ҳавои тағйирёбанда, шабона бебориш пешгӯӣ шуда, рӯзона дар баъзе ноҳияҳо бориши сусти борон ва эҳтимол раъду барқ ба амал ояд. Ҳарорати ҳаво дар водиҳо шабона 17+22 ва рӯзона 27+32 дараҷа гарм, дар доманакӯҳҳо шабона 13+18 ва рӯзона 21+26 дараҷа гарм мешавад

Дар шаҳру ноҳияҳои тобеи ҷумҳурӣ ҳавои тағйирёбандаи бебориш пешгӯӣ мешавад. Ҳарорати ҳаво ҳаво баланд шуда, то 24+29 дараҷа гарм хоҳад шуд. Дар ноҳияҳои кӯҳӣ шабона 5+10 дараҷа гарм, дар баъзе ноҳияҳо рӯзона аз 14+19 то 23+28 дараҷа гарм мешавад.

Дар Душанбе ҳавои тағйирёбандаи бебориш дар назар дошта шуда, эҳтимол раъду барқ ба амал ояд. Шамол аз самти ғарб бо суръати 3-8 метр дар як сония мевазад. Ҳаво шабона 16+18 дараҷа ва рӯзона 28+30 дараҷа гарм мешавад.

Ба шаҳрвандон тавсия дода мешавад, ки аз сайругашти бисёри рӯзона дар хиёбонҳо, кӯчаҳо, хусусан дар наздикии роҳҳои нақлиётгард худдорӣ намоянд.