«ЯК РӮЗИ ҶАВОНӢ». Дар Донишгоҳи давлатии омӯзгории Тоҷикистон Рӯзи ҷавононро бошукуҳ таҷлил намуданд

Май 23, 2023 14:17

ДУШАНБЕ, 23.05.2023 /АМИТ «Ховар»/. Бахшида ба Рӯзи ҷавонони Тоҷикистон дар Донишгоҳи давлатии омӯзгории Тоҷикистон ба номи Садриддин Айнӣ барномаи идонаи адабӣ-маърифатӣ, сиёсӣ-фарҳангӣ, иттилоотӣ-тарғиботӣ, илмӣ-инноватсионӣ таҳти унвони «Як рӯзи ҷавонӣ» баргузор гардид. Дар ин хусус мудири шуъбаи ҷавонони донишгоҳ Давлатшоҳ Каримзода хабар дод.

Дар ҳамоиш роҳбарияти Кумитаи кор бо ҷавонон ва варзиш, Донишгоҳи давлатии омӯзгории Тоҷикистон, омӯзгорону кормандон ва намояндагони воситаҳои ахбори омма иштирок намуданд.

Дар ҳамоиш дастовардҳои омӯзгорону кормандони донишгоҳ ба намоиш гузошта шуд, ки меҳмонон ва ҳозирин аз он дидан карданд.

Тазаккур дода шуд, ки мақсад аз таҷлили Рӯзи ҷавонони Тоҷикистон — татбиқи босамари сиёсати давлатии ҷавонон, мусоидат ба раванди тарбияи ватанпарастӣ ва дар сатҳи баланди  фарҳангӣ ва эҷодиву маърифатӣ гузаронидани  ин сана  мебошад.

Иттилоъ дода шуд, ки дар доираи моҳвораи ҷавонон ва Рӯзи ҷавонони Тоҷикистон дар донишгоҳ аз ҷониби шуъбаи кор бо ҷавонон якчанд чорабинӣ дар сатҳи баланд амалӣ гардид.  Аз ҷумла, 7 мусобиқаи варзишӣ, 2 озмуни фарҳангӣ, 2 озмуни илмӣ-маърифатӣ ташкил ва баргузор карда шуд. Дар асоси дастури ректори донишгоҳ ва нақшаи чорабиниҳои шуъбаи кор бо ҷавонон ба ифтихори Рӯзи ҷавонони Тоҷикистон дар байни донишҷӯдухтарон ва донишҷӯписарони факултаҳо мусобиқаҳои варзишӣ аз рӯи намудҳои «Футболи хурд», «Бандкашӣ», «Турниккашӣ», «Шашка», «Волейбол», озмуни мақолаи беҳтарин байни донишҷӯёни факултаҳо таҳти унвони «Тоҷикистон сарзамини ҷавонӣ ва ҷавонон аст» баргузор гардид. Дар вазъияти тантанавӣ ғолибон бо диплом ва туҳфаҳои пулию хотиравии раёсати донишгоҳ, Кумитаи кор бо ҷавонон ва варзиш, раёсати кор бо ҷавонон ва варзиши шаҳри Душанбе ва Иттифоқи касабаи кормандони маориф ва илм қадрдонӣ гардиданд.

Ҳамзамон дар ин барномаи рангини фарҳангӣ омӯзгорону кормандон ва ҷавонони фаъол, ки дар корҳои ҷамъиятӣ, чорабиниҳо, фаъолияти пурсамари педагогӣ, саҳмгузорӣ дар корҳои созандагиву бунёдкорӣ, баланд бардоштани ҳувияти миллӣ ва эҳсоси худшиносии ҷавонон давоми сол иштироки фаъолона доштанд, дар вазъияти тантанавӣ бо ифтихорнома ва сипосномаҳои донишгоҳ ва Кумита қадрдонӣ шуданд.

АКС: Донишгоҳи давлатии омӯзгории Тоҷикистон ба номи Садриддин Айнӣ

Май 23, 2023 14:17

Хабарҳои дигари ин бахш

Бахшида ба Рӯзи Ваҳдати миллӣ омӯзгорони фаъоли пойтахт қадрдонӣ карда шуданд
Намояндагони ВАО бо хизматрасониҳои алоқаи барқӣ дар вилояти Суғд шинос мешаванд
Имрӯз дар шаҳри Душанбе ҳаво то 37 дараҷа гарм мешавад
Дар ноҳияи Абдураҳмони Ҷомӣ ҷашни Ваҳдати миллиро бо намоиши ҳунарҳои мардумӣ ва дастовардҳои солҳои соҳибистиқлолӣ ҷашн гирифтанд
«САОДАТИ МИЛЛАТ ДАР ВАҲДАТ АСТ». Дар Китобхонаи миллӣ таҳти ин унвон ҳамоиш баргузор шуд
Иштирокчиёни экспедитсияи «Саёҳат ба қалби Авруосиё-2025» пойгоҳи кайҳонавардии Байконурро тамошо карданд
Ба ифтихори Рӯзи Ваҳдати миллӣ дар Кумитаи ҳифзи муҳити зист ҷамъомади тантанавӣ баргузор гардид
Имрӯз дар водиҳои Тоҷикистон ҳаво то 41 дараҷа гарм мешавад
Дар ҳошияи Соли фарҳанги китобхонӣ маҷмӯаи «Нома ба насли оянда» аз чоп баромад
Таҳти унвони «Забон, Ваҳдат ва суботи миллӣ» конференсияи илмию амалии ҷумҳуриявӣ доир шуд
Бахшида ба Рӯзи Ваҳдати миллӣ дар Саридораи геология ҳамоиш баргузор гардид
Дар Донишгоҳи технологии Тоҷикистон бахшида ба Рӯзи Ваҳдати миллӣ конфронси илмӣ-назариявӣ доир шуд