«БОНУИ ҲУНАР». Тавассути он 60 зану ҷавондухтар аз оилаҳои ниёзманд соҳиби касб мешаванд
ДУШАНБЕ, 03.05.2023 /АМИТ «Ховар»/. Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе ҷиҳати ба касбомӯзӣ ҷалб намудани занону духтарон ва фароҳам овардани шароити муносиби иҷтимоӣ барои оилаҳои осебпазир дар Муассисаи давлатии таълимии «Литсейи касбии техникии саноати нассоҷии шаҳри Душанбе» таҳти унвони «Бонуи ҳунар» бо фарогирии 60 духтару зани ҷавон аз оилаҳои ниёзманд даврҳои омӯзишии дӯзандагӣ ва гулдӯзиро оғоз намуд. Дар ин хусус ба АМИТ «Ховар» дар Раёсати мазкур хабар доданд.
Ба касбомӯзон тӯли як моҳ аз ҷониби ҳунармандони чирадаст санъати дӯзандагӣ ва гулдӯзӣ омӯзонида шуда, баъди хатми даври мазкур ба онҳо шаҳодатномаи касбӣ супорида мешавад.
Даври омӯзишии «Бонуи ҳунар» аз ҷониби Мақомоти иҷроияи ҳокимияти давлатии шаҳри Душанбе бори ёздаҳум аст, ки бо фарогирии 680 зану ҷавондухтар аз оилаҳои ниёзманди пойтахт ташкил гардида, устодони ботаҷриба ҳунарҳои қаннодӣ, зардӯзӣ, дӯзандагӣ, попурдӯзӣ ва инчунин қолинбофиву гулдӯзиро ба касбомӯзон меомӯзонанд.
Дар ҷамъбасти давр ба соҳибкасбон барои фаъолияти минбаъдаашон ҳуҷҷатҳои тасдиқкунандаи касбӣ супорида шуд.
Ҳадафи асосии даври мазкур- соҳибкасб гардонидани занону духтарони хонашин, эҳё намудан ва густариш додани ҳунарҳои аҷдодӣ, ташаккули фарҳанги хонаводагӣ, боло бурдани сатҳи зиндагии мардум ва таъмини ҷойҳои нави корӣ, алалхусус барои занону ҷавондухтарон мебошад.
АКС: Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
Оид ба нақши ҷавонон дар татбиқи ташаббусҳои ҷаҳонии Президенти Тоҷикистон дар самти обу иқлим ва ҳифзи пиряҳҳо ҳамоиш доир шуд
Либоси зебою шинами миллӣ дар ҳамаи давру замон зинатбахши занону духтарони тоҷик аст
