Дар Душанбе масъалаи рақамисозии соҳаи кишоварзии Тоҷикистон баррасӣ шуд
ДУШАНБЕ, 09.06.2023. /АМИТ «Ховар»/. 5 июн дар ҳошияи Ҷаласаи 5-уми Машваратии Сарони давлатҳои Осиёи Марказӣ ва Ҷаласаи Шӯрои сарони давлатҳои муассиси Фонди байналмилалии наҷоти Арал мулоқоти Вазири кишоварзии Ҷумҳурии Тоҷикистон Қурбон Ҳакимзода бо Директори Дафтари зерминтақавии Созмони озуқаворӣ ва кишоварзии Созмони Милали Муттаҳид дар Осиёи Марказӣ Виорел Гутсу баргузор гардид, ки зимни он масъалаи рақамисозии соҳаи кишоварзӣ муҳокима гардид, хабар медиҳад АМИТ «Ховар» бо истинод ба Вазорати кишоварзии мамлакат.
Виорел Гутсу изҳор намуд, ки дар байни давлатҳои Осиёи Марказӣ Тоҷикистон нақши калидӣ ва афзалиятнок дошта, роҳбарияти Созмони озуқаворӣ ва кишоварзии Созмони Милали Муттаҳид аз талаботу мушкилоти ҷойдошта дар Тоҷикистон огаҳӣ дошта, барои кумаку ҳалли онҳо ҳавасманд мебошад.
Таъкид гардид, ки ҳоло Созмон якҷоя бо шарикони рушд оид татбиқи барнома ва лоиҳаҳои муҳофизати растанӣ, қутоспарварӣ, таъмини хоҷагиҳои фермерӣ бо метеостансияҳои агрометерологӣ ва истифодаи он дар майдонҳои зироати афзалияти содиротӣ дошта, корбарӣ намуда истодааст.
Ҷонибҳо ҳамчунин барои ҳамкории судманди минбаъда ибрози назар намуданд.
Инчунин Виорел Гутсу ҷониби Тоҷикистонро барои иштирок дар вохӯрии вазирони кишоварзӣ, ки аз 1 то 7 июли соли равон бо ташаббуси Созмони озуқаворӣ ва кишоварзии Созмони Милали Муттаҳид дар шаҳри Рим баргузор мегардад, даъват намуд.
АКС: Маркази матбуот ва иттилооти Вазорати кишоварзии Ҷумҳурии Тоҷикистон
Стратегияи рушди соҳаи алоқаи Тоҷикистон ба шарикони рушд муаррифӣ карда шуд
Тоҷикистон бо Швейтсария ҳамкориро дар соҳаи энергетика ва захираҳои об густариш медиҳад
Фурӯши ғайриқонунии гиёҳҳои шифобахш пешгирӣ гардид
ИСТИФОДАИ САМАРАНОКИ ЗАМИН. Дар хоҷагиҳои деҳқонии ноҳияи Спитамен кишти зироат идома дорад
Дар бозори марказии Пенза барои фурӯши хушкмеваҳои Тоҷикистон гӯшаҳои махсус ҷудо карда шуданд
Дар Душанбе Фестивали «Саводнокии молиявӣ» баргузор гардид
Вазъи феълӣ ва дурнамои иқтисодиёти Тоҷикистон дар мулоқот бо ҳайати Хазинаи байналмилалии асъор баррасӣ гардид
«Саноатсодиротбонк» барои хизматрасонӣ ба занони соҳибкор сазовори ҷойи сеюм шуд
Сарбанди Деҳқонобод дар обёрии беш аз 40 ҳазор гектар заминҳои кишоварзии Ҳамадонӣ, Фархор ва Восеъ нақши муҳим дорад
Намояндаи SECO нишондиҳандаҳои мусбати бахши бонкии Тоҷикистонро баланд арзёбӣ намуд
Сарвазири Тоҷикистон бо фаъолияти ҶДММ «Парки нассоҷии шаҳри Кӯлоб» шинос гардид
Дар мулоқоти муовини якуми Сарвазири Тоҷикистон бо ҳайати ХБА масоили динамикаи нишондиҳандаҳои макроиқтисодӣ баррасӣ шуд
