Дар музофоти Ҳайнани Чин бар асари боришоти шадид сатҳи баландтарини хатар эълон карда шуд
ДУШАНБЕ, 08.06.2023 /АМИТ «Ховар»/. Рӯзи чоршанбе дар шаҳри Саняи музофоти Ҳайнани Чин бар асари боришоти шадид сатҳи баландтарини хатар — «сурх» эълон карда шуд. Дар ин хусус АМИТ «Ховар» бо истинод ба АБИ «Казинформ» хабар медиҳад.
Тибқи изҳороти Раёсати маорифи Саня, рӯзи чоршанбе, 7 июн кӯдакистонҳо тамоми рӯз баста буданд ва мактабҳои ибтидоиву миёна то нисфирӯзӣ дарсҳоро муваққатан боздоштанд.
Хадамоти обуҳошиносии Саня рӯзи чоршанбе сатҳи хатарро дар робита ба боришоти шадид аз норанҷӣ то баландтарин сатҳи сурх боло бурд. Дар давоми чанд соат дар баъзе минтақаҳои шаҳр беш аз 156 миллиметр боришот ба амал омад.
Дар бораи ҳодисаҳо бар асари боришоти шадид дар шаҳри Саня иттилоъ нарасидааст.
Ёдовар мешавем, ки охири мохи майи соли 2023 дар музофоти Хенани Чин борони шадид ба амал омада, ба ҳосили гандум таъсир расонд.
Бино ба гузоришҳо, барои бартарафсозии оқибатҳои офати табиӣ аз ҷониби вазорати молия ва вазорати кишоварзӣ ва корҳои хоҷагидории Чин наздик ба 28 миллиону 210 ҳазор доллар ҷудо карда шуд.
Бояд тазаккур дод, ки дар Чин низоми чорсатҳаи огоҳ намудании аҳолӣ аз офати табиӣ – «кабуд», «зард», «норанҷӣ» ва «сурх» — амал менамояд.
АКС аз манбаъҳои боз
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
