Дар Восеъ оид ба таҳкими бехатарӣ аз сӯхтор машварат доир шуд

Июнь 3, 2023 16:39

ВОСЕЪ, 03.06.2023. /АМИТ «Ховар»/. Дар мавзеи Баҳористон (собиқ  Олимтой)-и ноҳияи Восеъ бо ташаббуси Вазорати корҳои дохилии Ҷумҳурии Тоҷикистон, Сарраёсати хадамоти давлатии оташнишонии Тоҷикистон ва Раёсати хадамоти давлатии оташнишонии вилояти Хатлон зери унвони «Таҳкими бехатарӣ аз сӯхтор дар мавсими ҷамъоварии зироати ғалладонагӣ ва хошоки дурушти чорво дар мавзеъҳои ҷангалзор, риояи ҳамоҳангсозии қувваю воситаҳои мақомоти корҳои дохилӣ ҳангоми сар задани сӯхтор» машварати саҳроӣ гузаронида шуд. Дар ин хусус ба мухбири минтақавии АМИТ «Ховар» Сулаймон Холзода дар Мақомоти иҷроияи ҳокимияти давлатии ноҳияи Восеъ иттилоъ доданд.

Пеш аз оғози машварат намоиши таҷҳизоти муосир оид ба бартарафкунии сӯхтор ва машқу амалиёти тактикӣ аз тарафи кормандони хадамоти сӯхторхомӯшкунии минтақавиву ҷумҳуриявӣ дар майдони зироати хошоки чорво гузаронида шуд.

Зикр шуд, ки имрӯз масъалаи таъмини бехатарии озуқаворӣ махсусан зироати ғалладонагӣ зери таваҷҷуҳи Пешвои миллат муҳтарам Эмомалӣ Раҳмон қарор дорад. Моро зарур аст, ки барои амнияти мардум ва бехатарии дастранҷи деҳқонон ҳамеша дар ҳолати омодабош қарор дошта бошем.

Зимни машварат иштирокдорон доир ба таъмини бехатарӣ аз  сӯхтор дар давраи ғунучини зироати ғалладонагӣ, тайёр кардани хӯроки дурушти чорво, мавзеъҳои ҷангалзор, мамнуъгоҳҳо, оромгоҳҳо ва боғҳои миқёси ҷумҳурӣ сухан гуфтанд.

Дар анҷоми машварат масъулин ронандагони воситаҳои нақлиёти гандумдарав, тракторҳои борбар ва шудгоркунандаро бо қоидаҳои пешгирии сӯхтор ва амалиёти зиддисӯхторӣ шинос намуда, ба онҳо тавсияҳои муфид доданд.

АКС: Мақомоти иҷроияи ҳокимияти давлатии ноҳияи Восеъ

Июнь 3, 2023 16:39

Хабарҳои дигари ин бахш

Бахшида ба Рӯзи ҷаҳонии сайёҳӣ дар Кумитаи рушди сайёҳӣ ҳамоиш доир гардид
Имрӯз дар Тоҷикистон ҳарорат аз 1 то 2 дараҷа паст мегардад
ОМОДАГӢ БА ЗИМИСТОН. Соҳаҳои маорифу тандурустии шаҳри Роғун ба гузаронидани ин давра омода мебошанд
Имрӯз дар Тоҷикистон ҳавои тағйирёбанда дар назар аст
Имрӯз дар баъзе ноҳияҳои Тоҷикистон бориши сусти борон ба амал меояд
Дар Хоруғ ярмаркаи ҷойҳои кории холӣ баргузор шуд
Имрӯз дар Тоҷикистон ҳавои тағйирёбанда дар назар аст
Дар Академияи идоракунии давлатӣ дар мавзуи «Пешвоёни сиёсӣ ва таъсири онҳо дар ҳифзи сулҳ» конференсия доир шуд
Имрӯз дар Тоҷикистон ҳаво камабри бебориш мешавад
Ширкати «Благо Труд» ба мутахассисон аз Тоҷикистон ниёз дорад
Мактабҳои Тоҷикистон соли 2025 дар низоми арзёбии байналмилалии PISA иштирок менамоянд
Дар Душанбе мубориза ба муқобили ҳашароти занбуруғӣ пурзӯр мегардад