Донишгоҳи давлатии тадқиқоти геологии ба номи Серго Орджоникидзеи Русия барои ҷавонони вилояти Хатлон бурсияҳои таҳсил ҷудо намуд
ДУШАНБЕ, 10.06.2023. /АМИТ «Ховар»/. Донишгоҳи давлатии тадқиқоти геологии ба номи Серго Орджоникидзеи Федератсияи Русия барои хатмкунандаҳои муассисаҳои таҳсилоти миёнаи умумӣ ва дигар ҷавонони хоҳишманди шаҳру ноҳияҳои минтақаҳои Бохтару Кӯлоби вилояти Хатлон бурсияҳои таҳсил ҷудо намуд. Дар ин хусус дар мулоқоти Раиси вилояти Хатлон Давлаталӣ Саид бо Ректори Донишгоҳи давлатии тадқиқоти геологии ба номи Серго Орджоникидзеи Русия Юрий Панов иттилоъ дода шуд.
Тавре ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд, дар мулоқоти мазкур масъалаи омода кардани мутахассисони баландихтисоси соҳаи геология аз ҳисоби ҷавонони вилояти Хатлон дар Донишгоҳи мазкур мавриди баррасӣ қарор дода шуд.
«Фоизи зиёди масоҳати Тоҷикистонро кӯҳҳо ташкил дода, омода намудани мутахассисони касбӣ дар самти гузаронидани омӯзишу тадқиқоти илмӣ дар соҳаи геология иқдоми саривақтӣ ва муҳим мебошад. Маҳз донишгоҳи номбурда дар ин самт таҷрибаи пешқадами омоданамоии мутахассисони соҳавиро дорад»,-гуфт Раиси вилоят.
Дар ин замина, сардори Раёсати маорифи вилояти Хатлон вазифадор гардид, ки барои иштироки фаъолонаи хоҳишмандон дар имтиҳоноти маҷозии донишгоҳи мазкур ва соҳиб шудани ҳарчи бештари бурсияҳои таҳсил мусоидат намояд.
Бо ин мақсад дар шаҳру ноҳияҳои вилояти Хатлон аз тарафи Раёсати маориф гурӯҳҳои корӣ таъсис ёфтааст, ки онҳо бо хатмкунандагон дар мавриди таҳсил дар ихтисосҳои ройгон маълумоти муфассал дода, ҷиҳати дохилшавии онҳо ба Донишгоҳи мазкур мусоидат менамоянд.
Бояд тазаккур дод, ки бо шарофати соҳибистиқлолии мамлакат ва сиёсати хирадмандонаи Асосгузори сулҳу ваҳдати миллӣ — Пешвои миллат муҳтарам Эмомалӣ Раҳмон барои таҳсили ҷавонон дар дохил ва хориҷи мамлакат шароиту имконият фароҳам оварда шудааст.
Ҳамин аст, ки ҳоло садҳо нафар ҷавонони Тоҷикистон, аз ҷумла аз вилояти Хатлон дар давлатҳои хориҷ, бахусус Федератсияи Русия таҳсили илм мекунанд.
Онҳо макотиби олии ин кишварро хатм намуда, мутахассиси соҳаҳои гуногун шуда, ба Ватан баргашта, дар пешрафти соҳаҳои гуногуни хоҷагии халқи мамлакат саҳми худро мегузоранд.
АКС: Мақомоти иҷроияи ҳокимияти давлатии вилояти Хатлон
Ҳамкории Донишгоҳи байналмилалии сайёҳӣ ва соҳибкории Тоҷикистон бо Институти стратегияи рушди илму технология ва Донишгоҳи технологии Чендуи Чин баррасӣ шуд
«Стратегияи рушди такмили ихтисос ва бозомӯзии кормандони соҳаи маориф барои давраи то соли 2030» тасдиқ гардид
Магистранти Донишгоҳи миллии Тоҷикистон дар Олимпиадаи байналмилалии Туркманистон сазовори ҷойи сеюм гардид
Озмуни байналмилалии табодули малакаҳои таълими забони чинӣ барои омӯзгорони Осиёи Марказӣ ҷамъбаст гардид
Байни Донишгоҳи давлатии Хуҷанд ва Донишгоҳи давлатии Полоски Беларус созишномаи ҳамкорӣ ба имзо расид
Дар доираи Форуми сеюми байналмилалии ректорони донишгоҳҳои Тоҷикистон ва Беларус 25 созишномаи нави ҳамкорӣ ба имзо расид
Байни Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи Русия-Беларус шартномаи ҳамкорӣ ба имзо расид
Байни Донишгоҳи техникии Тоҷикистон ва муассисаҳои таҳсилоти олии касбии Беларус созишномаи ҳамкорӣ ба имзо расид
Дар Душанбе Форуми ректорони муассисаҳои таҳсилоти олии касбии Тоҷикистон ва Беларус оғоз шуд
Дар деҳаи Корвони шаҳри Ваҳдат бинои нави муссисаи таълимӣ ба истифода дода шуд
НАМУНАИ ИБРАТ. Заҳмати модар Фараҳбахши нобиноро ғолиби Озмуни ҷумҳуриявии «Фурӯғи субҳи доноӣ китоб аст» гардонид
Дар ноҳияи Балҷувон иншооти нави соҳаи маориф бунёд гардид
