ФУТБОЛ. «Хуҷанд» дар даври плей-оффи Ҷоми Конфедератсияи футболи Осиё — 2023/24 бо ғолиби ҷуфти «Марв» – «Олой» бозӣ менамояд
ДУШАНБЕ, 22.06.2023 /АМИТ «Ховар»/. Конфедератсияи футболи Осиё санаи баргузории бозиҳои даври муқаддамотӣ ва марҳилаи плей-оффи Ҷоми Конфедератсияи футболи Осиё — 2023/24-ро эълон намуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Барандаи медали биринҷии мусобиқоти чемпионати Тоҷикистон «Хуҷанд» дар марҳилаи плей-оффи Ҷоми Конфедератсияи футболи Осиё — 2023/24 дар минтақаи марказӣ бо ғолиби даври муқаддамотӣ -«Марв» (Туркманистон) – «Олой» (Қирғизистон) бозӣ менамояд.
Ин бозӣ 22 август дар варзишгоҳи «20-солагии Истиқлолияти Тоҷикистон», воқеъ дар шаҳри Хуҷанд баргузор мешавад.
Бозии даври муқаддамотии Ҷоми Конфедератсияи футболи Осиё -2023/24 бо иштироки «Марв» ва «Олой» 15 август дар Туркманистон баргузор мешавад.
Даври муқаддамотии Ҷоми Конфедератсияи футболи Осиё ва плей-офф аз як бозӣ иборат хоҳад буд.
Дар сурати муваффақ шудан дар марҳилаи плей-оффи Ҷоми Конфедератсияи футболи Осиё дастаи футболи «Хуҷанд» дар баробари бошгоҳҳои «Равшан» (Тоҷикистон), «Алтин Асир» (Туркманистон) ва «Абдиш-Ата» (Қирғизистон) ҳуқуқи иштирок дар марҳилаи гурӯҳии минтақаи марказиро пайдо менамояд.
Даври гурӯҳии Ҷоми Конфедератсияи футболи Осиё — 2023/24 дар минтақаи марказӣ 20 сентябр оғоз шуда, 14 декабр ба анҷом мерасад. Танҳо ғолиби гурӯҳ ба марҳилаи навбатии мусобиқа роҳ меёбад.
Ҷоми Конфедератсияи футболи Осиё — 2023/24
Минтақаи марказӣ
Даври муқаддамотӣ
15 август (сешанбе)
«Марв» (Туркманистон) – «Олой» (Қирғизистон)
Плей-офф
22 август (сешанбе)
«ХУҶАНД» (ТОҶИКИСТОН) – Ғолиби ҷуфти «Марв»/«Олой»
АКС: Федератсияи футболи Тоҷикистон
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
