ГРАН-ПРИИ ДУШАНБЕ-2023. Дар рӯзи дуюми мусобиқа се ҷудочии Тоҷикистон ба финал баромад
ДУШАНБЕ, 03.06.2023 /АМИТ «Ховар»/. Довталабони медалҳои рӯзи дуюми Гран-прии Душанбе-2023 оид ба дзюдо, ки дар доираи Сайри ҷаҳонии ҷудои Федератсияи байналмилалии ҷудо баргузор мешавад, муайян гардиданд. Аз рӯи натиҷаҳои рақобатҳои муқаддамотӣ, се ҷудочии Тоҷикистон — Шодмон Ризоев, Сомон Маҳмадбеков (ҳар ду дар вазни то 81 кг байни ҳам) ва Беҳрӯз Хоҷазода дар вазни то 73 кг ба финал баромаданд, иттилоъ медиҳад хабарнигори АМИТ «Ховар».
Ҳамин тариқ, дар вазни то 63 кг байни занон барои медали тилло ҷудочии испанӣ Герреро Падилла ва Катарина Кристои хорватӣ мубориза мебаранд. Дар ин вазн барои медалҳои биринҷӣ Амина Белкадии алҷазоирӣ бо Ива Оберани хорватӣ ва Лубяна Пиовесана бо Магдалена Крсакова (ҳар ду аз Австрия) рақобат менамояд.
Дар вазни то 70 кг байни занон Марго Пинои фаронсавӣ ва Катажина Соберайскаяи лаҳистонӣ барои медали тилло қувва меозмоянд. Барои медалҳои биринҷии ин вазн Келли Петерсен Поллард аз Британияи Кабир бо Серафима Москалу аз Руминия ва Кэти Джемайма Йейтс-Браун аз Британияи Кабир бо Лориана Кука аз Косово мубориза мебарад.
Дар вазни то 73 кг байни мардон Беҳрӯз Хоҷазода аз Тоҷикистон ва Маҳмадбек Маҳмадбеков аз дастаи варзишгарони фардии бетараф барои медали тилло сабқат менамоянд. Иброҳим Алиев аз Озарбойҷон бо Бенямин Аксус аз Фаронса ва Нурлан Османови озарбойҷонӣ бо Ҷилберто Кардосо мексикоӣ барои медалҳои биринҷӣ қувва меозмояд.
Ду варзишгари тоҷик — Шодмон Ризоев ва Сомон Маҳмадбеков дар вазни то 81 кг барои медали тилло мубориза мебаранд. Барои медалҳои биринҷии ин вазн Ҷакомо Гамба аз Италия бо Анри Егутидзе аз Португалия, инчунин Иброҳим Кейтаи фаронсавӣ бо Тим Грамкови олмонӣ рақобат менамояд.
Марҳилаи финалӣ соати 17:00 ба вақти Душанбе оғоз мешавад. Мусобиқаи Гран-прии Душанбе-2023 дар Қасри теннис ва маҷмааи варзишҳои обии шаҳри Душанбе идома дорад. Ин мусобиқаи ҷаҳонии дзюдо нахустин бор дар Тоҷикистон баргузор мешавад.
Акрамхоҷа АКБАР,
АМИТ «Ховар»
АКС: АМИТ «Ховар»
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
